ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦିନକୁ ଦିନ ଦେଶରେ ହୁ ହୁ ହୋଇ ମାଡିଚାଲିଛି କରୋନା ସଂକ୍ରମିତଙ୍କ ସଂଖ୍ୟା। ମହାରାଷ୍ଟ୍ର, ଗୁଜୁରାଟ ସମେତ ଅନ୍ୟ କେତେକ ରାଜ୍ୟରେ ଏବେ କରୋନ ସଂକ୍ରମଣ ଅଧିକରୁ ଅଧିକ ମାତ୍ରାରେ ବୃଦ୍ଧି ପାଇବାରେ ଲାଗିଛି । ଏଥିସହ ଜିଲ୍ଲାରେ ଆଗକୁ ଦଣ୍ଡନାଚ, ତାରାତାରିଣୀ ଯାତ୍ରା, ବ୍ରହ୍ମପୁର ବୁଢୀ ଠାକୁରାଣୀ ଯାତ୍ରା ହେବାକୁ ଯାଉଛି ।
କରୋନା ହଟସ୍ପଟ ଅଞ୍ଚଳରୁ ଟ୍ରେନ୍ ଯୋଗେ ବହୁ ଯାତ୍ରୀ ବ୍ରହ୍ମପୁର, ଛତ୍ରପୁର ଓ ଖଲ୍ଲିକୋଟ ଷ୍ଟେସନରେ ଓହ୍ଲାଇଥାନ୍ତି । ଏହାକୁ ଦୃଷ୍ଟିରେ ରଖି ପୂର୍ବରୁ ବ୍ରହ୍ମପୁର ଷ୍ଟେସନରେ ଟ୍ରେନରୁ ଆସୁଥିବା ପ୍ରବାସୀମାନଙ୍କ ଥର୍ମାଲ ସ୍କ୍ରିନିଂ କରାଯାଉଥିବା ବେଳେ ଏବେ ଛତ୍ରପୁର ଓ ଖଲ୍ଲିକୋଟ ଷ୍ଟେସନରେ ମଧ୍ୟ ଥର୍ମାଲ ସ୍କ୍ରିନିଂ କରାଯିବ ବୋଲି ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ସୂଚନା ଦେଇଛନ୍ତି ଏସବୁ ସତ୍ତ୍ବେ ଛତ୍ରପୁର କିମ୍ବା ଖଲ୍ଲିକୋଟରେ ଏହିସବୁ କରାଯାଉନଥିବା ଦେଖିବାକୁ ମିଳିଛି । ସୁରଟ, ମହାରାଷ୍ଟ୍ର, ବେଙ୍ଗାଲୁରୁରୁ ଟ୍ରେନ୍ ଯୋଗେ ବହୁ ଯାତ୍ରୀ ଦୈନନ୍ଦିନ ଏହି ଷ୍ଟେସନ ମାନଙ୍କରେ ଓହ୍ଲାଉଥିଲେ ବି କୌଣସି ଯାତ୍ରୀଙ୍କର ସ୍କ୍ରିନିଂ କରାଯାଉନଥିବା ଦେଖିବାକୁ ମିଳିଛି।
