ସ୍ବତନ୍ତ୍ର ଓଡ଼ିଶାକୁ ପୂରିବ ୮୩ ବର୍ଷ
ଭୁବନେଶ୍ୱର (ବଡ଼ ଖବର ବ୍ୟୁରୋ): ରାତି ପାହିଲେ ଉତ୍କଳ ଦିବସ । ରାଜ୍ୟ ପାଳନ କରିବ ୮୩ ତମ ଉତ୍କଳ ଦିବସ । ଭାଷା ଭିତ୍ତିରେ ରାଜ୍ୟ ଗଠନ ହେବାରେ ଓଡ଼ିଶା ଭାରତର ପ୍ରଥମ ରଜ୍ୟ । ୧୯୩୬ ମସିହାରେ ଏପ୍ରିଲ ୧ ରେ ସ୍ୱତନ୍ତ୍ର ଉତ୍କଳ ଗଠନ ଲାଗି ଓଡ଼ିଶାର ବରପୁତ୍ରମାନେ ଅଣ୍ଟା ଭିଡିଥିଲେ । ସେହି ବରପୁତ୍ରମାନଙ୍କ ମଧ୍ୟରେ ସର୍ବାଗ୍ରେ ଥିଲେ ଉତ୍କଳ ଗୌରବ ମଧୁସୂଦନ ଦାସ । ତାଙ୍କୁ ସହଯୋଗର ହାତ ବଢାଇଥିଲେ ମୟୂରଭଞ୍ଜର ରାଜା କୃଷ୍ଣଚନ୍ଦ୍ର ଗଜପତି, ଫକୀରମୋହନ ସେନାପତି, ଗଙ୍ଗାଧର ମେହେରଙ୍କ ସମେତ ଅନ୍ୟମାନେ ।
ଓଡ଼ିଶାକୁ ଭାଷାଭିତ୍ତିକ ଓଡ଼ିଶା ରାଜ୍ୟ ଗଠନ ହୋଇଥିଲା । ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ରାଜ୍ୟସ୍ତରୀୟ ଉତ୍କଳ ଦିବସ ପାଳନ ଲାଗି କାର୍ଯ୍ୟସୂଚୀ ସ୍ଥିରୀକୃତ ହୋଇଛି । ରାଜ୍ୟସ୍ତରୀୟ ଓଡ଼ିଶା ଦିବସ ସମାରୋହ ଲାଗି ଏପ୍ରିଲ ୧ ସନ୍ଧ୍ୟା ୬ଟାରେ ଜୟଦେବ ଭବନରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ କରାଯିବ ।