ଡ୍ରପ୍ ଆଉଟରେ ନବରଙ୍ଗପୁର ନମ୍ବର ୱାନ୍

ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟରେ ଅଧାରୁ ପାଠ ଛାଡୁଥିବା ପିଲାଙ୍କ ହାର କମିବାରେ ଲାଗିଛି । ଏ ସମ୍ପର୍କରେ ବିଧାନସଭାରେ ସୂଚନା ଦେଇଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ । ମନ୍ତ୍ରୀଙ୍କ କଥା ଅନୁସାରେ ରାଜ୍ୟରେ ଡ୍ରପ୍ ଆଉଟ୍ ହାର କମିଛି । ୨୦୧୮-୨୦୧୯ରେ ଡ୍ରପ୍ ଆଉଟ୍ ହାର ଥିଲା ୬.୯୩ ପ୍ରତିଶତ ।

ବର୍ତ୍ତମାନ ରହିଛି ୪.୭୫ ପ୍ରତିଶତ । ନବରଙ୍ଗପୁର ଜିଲ୍ଲାରେ ସର୍ବାଧିକ ପିଲା ଅଧାରୁ ପାଠ ଛାଡିଛନ୍ତି । ଏହି ଜିଲ୍ଲା ଡ୍ରପ୍ ଆଉଟ୍ ସର୍ବାଧିକ । ଗତବର୍ଷ ଏହି ଜିଲ୍ଲାରେ ଡ୍ରପ୍ ଆଉଟ୍ ୧୧.୨୧ ପ୍ରତିଶତ ଥିବା ବେଳେ ଚଳିତ ବର୍ଷ ରହିଛି ୧୩.୩୫ ପ୍ରତିଶତ । ଦ୍ୱିତୀୟରେ ରହିଛି ମାଲକାନଗିରି । ଏହି ଜିଲ୍ଲାର ଡ୍ରପ୍ ଆଉଟ୍ ରହିଛି ୧୩ ପ୍ରତିଶତ । ତୃତୀୟରେ ଗଜପତି ଜିଲ୍ଲା । ଏହି ଜିଲ୍ଳାର ଡ୍ରପ୍ ଆଉଟ୍ ହାର ୯.୩୮ ପ୍ରତିଶତ । ଗତବର୍ଷ ଥିଲା ୫.୯୧ ପ୍ରତିଶତ । ଏହାପରେ ରହିଛି କୋରାପୁଟ, ମୟୂରଭଞ୍ଜ, କନ୍ଧମାଳ, ନୂଆପଡା ଓ ସୁନ୍ଦରଗଡ଼ ।