ଆସିକା (ବଡ଼ ଖବର ବ୍ୟୁରୋ): ଅଂଶୁଘାତରେ ଚାଲିଗଲା ଯୁବକର ଜୀବନ। ଗଞ୍ଜାମ ଜିଲ୍ଲା ଆସିକା ଥାନା ଅଧୀନ ସିଦ୍ଧନଇ ଗ୍ରାମ ପଞ୍ଚାୟତ ସିଦ୍ଧନଇ ଗ୍ରାମରେ ଅଭାବନୀୟ ଘଟଣା ଘଟିଛି । ଗ୍ରାମର ନରସିଂହ ବିଷୋୟୀଙ୍କ ପୁଅ ଭାଗିରଥି ବିଷୋୟୀ ଗ୍ରାମର ଘଣ୍ଟିଆ ପଦର ବିଲରେ କାମ କରୁଥିବା ବେଳେ ସଂଜ୍ଞାହୀନ ହୋଇ ପଡିଯାଇଥିଲେ । ଘରକୁ ଫେରିବା ବିଳମ୍ବ ଦେଖି ପିତା ନରସିଂହ ବିଲକୁ ଯାଇଥିଲେ । ବିଲରେ ପୁଅକୁ ପଡିଥିବାର ଦେଖି ସଙ୍ଗେ ସଙ୍ଗେ ଆସିକା ମେଡିକାଲକୁ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଖବର ପାଇ ଆସିକା ପୋଲିସ ଡାକ୍ତରଖାନାରେ ପହଞ୍ଚିଥିଲେ। ତେବେ ଡାକ୍ତରଙ୍କ ରିପୋର୍ଟ ଅନୁଯାୟୀ ଅଂଶୁଘାତରେ ଭାଗିରଥିର ମୃତୁ୍ୟ ହୋଇଥିବା ଆସିକା ଥାନା ଅଧିକାରୀ ପ୍ରଶାନ୍ତ କୁମାର ସାହୁ କହିଛନ୍ତି ।
