ପୁରୁଷଙ୍କ ଅପେକ୍ଷା ମହିଳା ସଂକ୍ରମିତଙ୍କ ହାର ତିନି ଗୁଣା କମ୍
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦେଶ, ଜାତି ଏବଂ ଧର୍ମ ଦେଖି କରୋନା ଭୂତାଣୁ ଆକ୍ରାନ୍ତ କରେନି। କିନ୍ତୁ ଏହା ନିଶ୍ଚିତ ଯେ କରୋନା ଲିଙ୍ଗଗତ ପାର୍ଥକ୍ୟ ସୃଷ୍ଟି କରୁଛି। ବିଶ୍ଵର ବିଭିନ୍ନ ସ୍ଥାନରୁ ସର୍ଭେରୁ ଜଣାପଡିଛି କରୋନା ଆକ୍ରାନ୍ତରେ ପୁରୁଷ ଏବଂ ମହିଳାଙ୍କ ମଧ୍ୟରେ ଭିନ୍ନତା ରହିଛି। ମହିଳାମାନେ କମ୍ ସଂକ୍ରମିତ ହେଉଥିବା ବେଳେ ପୁରୁଷମାନେ ଅଧିକ ସଂକ୍ରମିତ ହେଉଛନ୍ତି।
ମଧ୍ୟପ୍ରଦେଶର ଇନ୍ଦୋରରେ ଦେବୀ ଅହଲ୍ୟା ବିଶ୍ୱବିଦ୍ୟାଳୟର ସ୍କୁଲ ଅଫ୍ ବାୟୋଟେକ୍ନୋଲୋଜିର ରିସର୍ଚର ଏକ ରିସର୍ଚ କରିଥିଲେ। ରିସର୍ଚରୁ ଜଣାପଡ଼ିଛି କରୋନା ସଂକ୍ରମଣ ମହିଳା ଏବଂ ପୁରୁଷଙ୍କ ଲିଙ୍ଗ ଅନୁଯାୟୀ ବିଭିନ୍ନ ହରମୋନ୍ କାରଣରୁ ହୋଇଥାଏ। ସ୍ଵାସ୍ଥ୍ୟ କ୍ଷେତ୍ରରେ ଲିଙ୍ଗଗତ ଭେଦଭାବ ବିରୁଦ୍ଧରେ କାର୍ଯ୍ୟ କରୁଥିବା ତଥା ତଥ୍ୟ ସଂଗ୍ରହ କରୁଥିବା ଗ୍ଲୋବାଲ୍ ହେଲଥ ବିଶ୍ୱବିଦ୍ୟାଳୟର ବାୟୋଟେକ୍ନୋଲୋଜିର ଅନୁସନ୍ଧାନ ଦଳର ମୁଖ୍ୟ ଡକ୍ଟର ହାମେନ୍ଦ୍ର ସିଂ ପରମାର ଏକ ସମ୍ବାଦ ସରବରାହ ସଂସ୍ଥାକୁ କହିଛନ୍ତି ଯେ ୫୦ ଟି ଦେଶରୁ କୋରୋନା ଆକଳନ ପ୍ରକାଶ ପାଇଛି।
ନଭେମ୍ବର ୨୦୨୦ ସୁଦ୍ଧା, କରୋନାରେ ମୃତ୍ୟୁବରଣ କରିଥିବା ପୁରୁଷଙ୍କ ସଂଖ୍ୟା ଏବଂ ଗୁରୁତର ମାମଲା ମହିଳାଙ୍କ ତୁଳନାରେ ବହୁତ ଅଧିକ ଥିଲା। ମୃତ୍ୟୁ କ୍ଷେତ୍ରରେ ମଧ୍ୟ ପୁରୁଷଙ୍କ ସଂଖ୍ୟା ମହିଳାଙ୍କ ତୁଳନାରେ ପ୍ରାୟ ତିନି ଗୁଣ ଅଧିକ। ତାହା ହେଉଛି, ମହିଳାମାନଙ୍କରେ କୋଭିଡରୁ ମୃତ୍ୟୁ ହେବାର ଆଶଙ୍କା ପ୍ରାୟ ତିନି ଗୁଣ କମ୍ ଅଟେ। ସେ ଆହୁରି ମଧ୍ୟ କହିଛନ୍ତି, ସ୍ତନ କର୍କଟ ଔଷଧ ଏବଂ ଚିକିତ୍ସା ପରିଚାଳନା ଉପରେ ଗବେଷଣା ସମୟରେ ଆମେ କୋଭିଡ ପ୍ରଭାବକୁ ଏକ ଅଧ୍ୟୟନର ବିଷୟ ମଧ୍ୟ କରିଥିଲୁ। କାରଣ ପୂର୍ବରୁ କର୍କଟ, ମଧୁମେହ ଏବଂ ହୃଦରୋଗରେ ପୀଡିତ ବ୍ୟକ୍ତି କରୋନା ସଂକ୍ରମଣର ଆଶଙ୍କା ଦୃଷ୍ଟିରୁ ପ୍ରଥମ ସ୍ଥାନ ଅଧିକାର କରିଥିଲେ।
ବିଶ୍ଵବ୍ୟାପୀ ୨୫୦ ପ୍ରମୁଖ ଅନୁସନ୍ଧାନ ଅଧ୍ୟୟନରୁ ଜଣାପଡିଛି ଯେ ମହିଳାମାନଙ୍କଠାରେ ମିଳୁଥିବା ଇଷ୍ଟ୍ରୋଜେନ୍ ଏବଂ ପୁରୁଷମାନଙ୍କରେ ଥିବା ଟେଷ୍ଟୋଷ୍ଟ୍ରେନ ହରମୋନ୍ କରୋନା ସଂକ୍ରମଣର ପ୍ରଭାବରେ ବିଭିନ୍ନ ଭୂମିକା ଗ୍ରହଣ କରିଥାଏ। ମହିଳା ହରମୋନ୍ ଇଷ୍ଟ୍ରୋଜେନ୍ କରୋନା ସଂକ୍ରମଣ ଏବଂ ଗମ୍ଭୀରତାର ଆଶଙ୍କା ହ୍ରାସ କରୁଛି ।
ଅନୁସନ୍ଧାନକାରୀ ଦଳ ଏହା ମଧ୍ୟ ସିଦ୍ଧାନ୍ତରେ ପହଞ୍ଚିଛନ୍ତି ଯେ କରୋନା ସଂକ୍ରମଣରେ ମୃତ୍ୟୁବରଣ କରୁଥିବା ମହିଳାଙ୍କ ସଂଖ୍ୟା ପୁରୁଷଙ୍କ ଅପେକ୍ଷା ତିନି ଗୁଣ କମ୍ ଅଟେ। ସଂକ୍ରମଣ ପରେ ମଧ୍ୟ ମହିଳାମାନଙ୍କର ହରମୋନ୍ ଥାଏ, ଯାହା ପୁରୁଷଙ୍କ ତୁଳନାରେ ମହିଳାମାନଙ୍କ ଠାରେ କରୋନାର ଗମ୍ଭୀରତା ହ୍ରାସ କରିଥାଏ।