ସଙ୍କଟବେଳେ ପହଞ୍ଚିଲା ସଞ୍ଜୀବନୀ
ଭୁବନେଶ୍ୱର (ବଡ଼ ଖବର ବ୍ୟୁରୋ): ସମଗ୍ର ଦେଶରେ ବଢିଚାଲିଛି କରୋନାର ଦ୍ୱିତୀୟ ଲହରି । କେନ୍ଦ୍ର ସରକାର ଚିନ୍ତିତ ହୋଇପଡିଥିବା ବେଳେ ପ୍ରତିକାର ପାଇଁ ଦେଶର ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ସହଯୋଗ ଲୋଡିଛନ୍ତି । ପ୍ରଧାନମନ୍ତ୍ରୀ ବିଭିନ୍ନ ରାଜ୍ୟର ମୁଖ୍ୟଙ୍କ ସହ କଥା ହୋଇ କେନ୍ଦ୍ର ସରକାର ସମସ୍ତ ସହଯୋଗ ଯୋଗାଇଦେବେ ବୋଲିସ ସ୍ପଷ୍ଟ କରିଛନ୍ତି । ତେଣେ ରାଜ୍ୟରେ ଟିକା ଅଭାବରୁ କିଛି କେନ୍ଦ୍ର ବନ୍ଦ ଥିବାର ଖବର ଆସିଥିଲା ।
ଯୋଗ୍ୟ ଥାଇ ବି ଟିକା ପାଇନଥିଲେ ଅନେକ । ଏବେ କିନ୍ତୁ ଆସିଛି ଖୁସି । ସଙ୍କଟ କାଳରେ ପହଂଚିଛି ସଞ୍ଜୀବନୀ । ୧୧ ତାରିଖ ଠାରୁ ଆରମ୍ଭ ହେବ ଟିକା ଉତ୍ସବ । ଏହା ପୂର୍ବରୁ ରାଜ୍ୟକୁ ଟିକା ଆସିବା ଅତ୍ୟନ୍ତ ଗୁରୁତ୍ୱର ବିଷୟ । ଟିକାର ଅଭାବ ନେଇ ରାଜ୍ୟ ସ୍ୱାସ୍ଥ୍ୟ ମନ୍ତ୍ରୀ ନବ ଦାସ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ଡକ୍ଟର ହର୍ଷବର୍ଦ୍ଧନଙ୍କୁ ଲେଖିଥିଲେ ଚିଠି । ଯାହାର ଫଳ ସୂରୁପ ଆସିଛି ଟିକା ।
