କାନବେରା (ବଡ଼ ଖବର) ସତର୍କ ହୋଇ ଯାଆନ୍ତୁ । ମାଡ଼ି ଆସୁଛି ତୋଫାନ । ଦୁଇଟି ସାମୁଦ୍ରିକ ଝଡ ମୁହାଁ ମୁହିଁ ହେବାକୁ ଯାଉଛି । ଯାହା ପାଣିପାଗ ଇତିହାସରେ ପ୍ରଥମ ଥର ହେବାକୁ ଯାଉଛି । ଏହା ଶୁଣିବା ପାଇଁ ଅଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ । ଯାହାକୁ ନେଇ ପ୍ରବଳ ତୋଫାନ ହୋଇପାରେ ବୋଲି ଅନୁମାନ କରାଯାଉଛି । ପଶ୍ଚିମ ଅଷ୍ଟ୍ରେଲିଆର ରହୁଥିବା ଲୋକମାନଙ୍କୁ ସତର୍କ କରିଛି ସେଠିକାର ପାଣିପାଗ ବିଭାଗ ।
ମାଡି ଆସୁଥିବା ଏହି ଦୁଇଟି ତୋଫାନ ମଧ୍ୟରେ ଗୋଟିଏ ‘ସରୋଜା’ ଓ ଅନ୍ୟଟି ‘ଓଡେଟା’ ନାମ ରଖାଯାଇଛି । ବୈଜ୍ଞାନିକମାନଙ୍କ ମତରେ ଏଭଳି ଭାବେ ଦୁଇଟି ତୋଫାନ ମୁହାଁମୁହିଁ ହେବା ବିରଳ ଘଟଣା । ସୂଚନା ମୁତାବକ ତୋଫାନ ‘ସରୋଜା’ ଲଘୁଚାପର ରୂପ ନେଇସାରିଛି ଯାହା ରବିବାର ସୁଧା ଅଷ୍ଟ୍ରେଲିଆ ଉପକୂଳରେ ମାଡହେବ । ଏହା ୯୩ ମାଇଲ ବେଗରେ ଉପକୂଳମୁହାଁ ହେଉଥିବା ବେଳେ ‘ସରୋଜା’ ୯୬୦ ମାଇଲ ଦୀର୍ଘ ଉପକୂଳରେ ତାଣ୍ଡବ ରଚିବ ।
ସେଠିକାର ଲୋକଙ୍କୁ ଅନ୍ୟତ୍ର ସ୍ଥାନାନ୍ତରିତ କରାଯିବା ସହ ପବନର ଭୟାବହତା ଉପରେ ସୂଚିତ କରାଯାଇଛି । ଅନ୍ୟପଟେ ‘ଓଡେଟା’ ଶନିବାର ବିଳମ୍ବିତ ରାତି ସୁଧା ଉପକୂଳରେ ପହଂଚିବ । ଫଳରେ ବିସ୍ତିର୍ଣ୍ଣ ଅଞ୍ଚଳରେ ବନ୍ୟାଭଳି ପରିସ୍ଥିତି ସୃଷ୍ଟି କରିବା ସହ ବ୍ୟାପକ କ୍ଷୟକ୍ଷତି କରିବ ବୋଲି ଆକଳନ କରାଯାଇଛି ।
