ପିପିଲି (ବଡ଼ ଖବର ବ୍ୟୁରୋ): ପିପିଲିରେ ଆଜି ଠାରୁ ହୋଇପାରିବ ନାହିଁ ବାଇକ ରାଲି । ନିର୍ବାଚନର ୭୨ଘଂଟା ପୂର୍ବରୁ ରାଲି ଉପରେ କଟକଣା ଲଗାଇଲେ ନିର୍ବାଚନ କମିଶନ । ନିର୍ବାଚନ ଓ ଉପନିର୍ବାଚନ ହେଉଥିବା ରାଜ୍ୟ ଉଦ୍ଦେଶ୍ୟରେ ଏହି ନୋଟିସ ଜାରି କରାଯାଇଛି । ନିର୍ବାଚନ କମିଶନ ଆସାମ, କେରଳ, ପୁଡୁଚେରୀ, ତାମିଲନାଡୁର ମୁଖ୍ୟ ନିର୍ବାଚନ ଅଧିକାରୀଙ୍କୁ ନୋଟିସ ଲେଖି ଏ ସମ୍ପର୍କରେ ଅବଗତ କରିଛନ୍ତି ।
ରାଲିରେ ଅସାମାଜିକ ତତ୍ତ୍ୱ ମତଦାତାଙ୍କୁ ପ୍ରଭାବିତ କରୁଥିବା ନଜରକୁ ଆସିବା ପରେ ଏଭଳି ନିଷ୍ପତି ନେଇଛନ୍ତି ନିର୍ବାଚନ କମିଶନ । ତେବେ ଆଜି ଠାରୁ ପିପିଲିରେ ରାଜନୈତିକ ବାଇକ ରାଲି ଉପରେ ରୋକ ଲାଗିବା ସ୍ପଷ୍ଟ ହୋଇଛି । ଆଜି କେନ୍ଦ୍ର ମନ୍ତ୍ରୀ ପ୍ରତାପ ଷଡଙ୍ଗୀ ଏବଂ ଭୁବନେଶ୍ୱର ସାଂସଦ ଅପରାଜିତା ଷଡଙ୍ଗୀ ଆଶ୍ରୀତ ପଟ୍ଟନାୟକଙ୍କ ପାଇଁ ପ୍ରଚାର କରିବାକୁ ଥିବା ବେଳେ ଏହାର ଠିକ ପୂର୍ବରୁ ଏହି ନୋଟିସ ଆସିଛି ।
