୫ ହଜାର ମୁହାଁ ଦୈନିକ ସଂକ୍ରମଣ
ଭୁବନେଶ୍ବର (ବଡ଼ ଖବର ବ୍ୟୁରୋ): ରାଜ୍ୟରେ କରୋନା ଗ୍ରାଫ ଉପରମୁହାଁ । କରୋନା ତାର କାୟା ବିସ୍ତାର କରି ଚାଲିଛି । ମଙ୍ଗଳବାର ରାଜ୍ୟରେ ୪ ହଜାର ପାର କରୋନା ଆକ୍ରାନ୍ତଙ୍କ ସଂଖ୍ୟା । ୨୪ ଘଣ୍ଟାରେ ୪୭୬୧ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୫ ଜଣଙ୍କର ମୃତ୍ୟୁ ହୋଇଛି । ମୃତକଙ୍କ ମଧ୍ୟରୁ ୩ ଜଣ ନୂଆପଡାରୁ ଥିବାବେଳେ କେନ୍ଦୁଝର, ରାୟଗଡାରୁ ଜଣେ ଲେଖାଏଁ ଆକ୍ରାନ୍ତଙ୍କର ମୃତ୍ୟୁ ହୋଇଛି । ସଂକ୍ରମିତଙ୍କ ମଧ୍ୟରୁ କ୍ୱାରେଣ୍ଟାଇନ୍ ସେଣ୍ଟରରୁ ୨୭୮୫, ଲୋକାଲ କେସ୍ ୧୯୭୬ ରହିଛି । ଖୋର୍ଦ୍ଧାରୁ ସର୍ବାଧିକ ୮୨୦ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ଦ୍ୱିତୀୟରେ ରହିଛି ସୁନ୍ଦରଗଡ଼ ଜିଲ୍ଲା ।
ସୁନ୍ଦରଗଡ଼ରୁ ୬୭୩ ନୂଆ ଆକ୍ରାନ୍ତ ଚିହ୍ନଟ । ନୂଆପଡା ୫୩୪, ବଲାଙ୍ଗିର ୩୨୨, ଝାରସୁଗୁଡା ୨୩୪, ବରଗଡ଼ ୧୯୮, ପୁରୀ ୧୯୩, ସମ୍ବଲପୁର ୧୮୩, କଟକ ୧୭୬, କଳାହାଣ୍ଡିରୁ ୧୬୭, ଷ୍ଟେଟ ପୁଲ ୧୬୦, ନବରଙ୍ଗପୁର ୧୫୪, କେନ୍ଦୁଝର ୧୦୩, ମୟୂରଭଞ୍ଜ ଓ ଯାଜପୁର ୮୬ ଲେଖାଏଁ ଚିହ୍ନଟ ହୋଇଛନ୍ତି । ସେହିପରି ବାଲେଶ୍ୱରରୁ ୮୪, ଅନୁଗୁଳ ୮୧, ନୟାଗଡରୁ ଓ ଭଦ୍ରକରୁ ୬୩, ରାୟଗଡାରୁ ୬୦, କେନ୍ଦ୍ରାପଡା ୫୦, ଗଞ୍ଜାମ ୪୯, ସୋନପୁର ୪୭, ଦେଓଗଡରୁ, କୋରାପୁଟ ଓ ଗଜପତି ୩୧, କନ୍ଧମାଳ ୨୫, ବୌଦ୍ଧରୁ ୨୩, ଜଗତସିଂହପୁର ୨୨, ଢେଙ୍କାନାଳ ଓ ମାଲକାନାଗିରିରୁ ୬ ଜଣ ଚିହ୍ନଟ ହୋଇଛନ୍ତି । ମୋଟ ଆକ୍ରାନ୍ତଙ୍କ ସଂଖ୍ୟା ୩ଲକ୍ଷ ୭୭ହଜାର ୪୬୪ରେ ପହଞ୍ଚିଛି । ସେପଟେ ସୁସ୍ଥ ହୋଇଛନ୍ତି ୩ଲକ୍ଷ ୪୭ହଜାର ୬୩୭ଜଣ ।
