ନୂଆ ରୂପରେ ପୁରୀ ସ୍ବର୍ଗଦ୍ବାର

ପୁରୀ (ବଡ଼ ଖବର ବ୍ୟୁରୋ): ସ୍ୱର୍ଗଦ୍ୱାରରେ ଡ୍ରାଏରନ । ବଦଳିଲା ପୁରୀ ସ୍ୱର୍ଗଦ୍ୱାରର ଚିତ୍ର । ସୁବ୍ୟବସ୍ଥିତ ଢଙ୍ଗରେ ପୁରୁଣା ସ୍ୱର୍ଗଦ୍ୱାର ପାଇଛି ନୂଆରୂପ । ପୁରୀ ସ୍ୱର୍ଗଦ୍ୱାରରେ ଆରମ୍ଭ ହେଲା ଶବ ଦାହର ଡ୍ରାଏରନ । ଜିଲ୍ଲପାଳ ସମର୍ଥ ବର୍ମା ଓ ଅନ୍ୟାନ୍ୟ ବରିଷ୍ଠ ଅଧିକାରୀଙ୍କ ଉପସ୍ଥିତିରେ ହେଲା ଡ୍ରାଏରନ । ସ୍ୱର୍ଗଦ୍ୱାର ଉନ୍ନତିକରଣ ପରେ ନିର୍ମାଣ ହୋଇଥିବା ଶବଦାହ ସ୍ଥାନରେ କିଭଳି ଶବ ସଂସ୍କାର ସହଜରେ ହୋଇପାରୁଛି, ନା ଆଉ କ’ଣ ଅସୁବିଧା ହେଉଛି, ସେନେଇ ଏହି ଡ୍ରାଏରନ କରାଯାଉଛି ।

ଖାଲିକାଠକୁ ଜଳାଯାଇ ଏହି ଡ୍ରାଏରନ କରାଯାଇଥିଲା। ଶବଦାହ ସ୍ଥାନରେ ଏକକାଳୀନ ଏକାଧିକ ଶବଦାହ କିଭଳି ସମ୍ଭବ ହୋଇପାରିବ ଦେଖାଯାଇଥିଲା। ସ୍ୱର୍ଗଦ୍ୱାର ଉନ୍ନତିମୂଳକ କାର୍ୟ୍ୟ ଓ ପୁର୍ନରୁଦ୍ଧାର ପାଇଁ ରାଜ୍ୟ ସରକାର ମଞ୍ଜୁର କରିଛନ୍ତି ୫ କୋଟି ଟଙ୍କା । ଏଥିରେ ଶବଦାହ ପିଣ୍ଡି ସାଙ୍ଗକୁ,ଅସ୍ଥି ରଖିବା ପାଇଁ ଲକର,ପାନୀୟ ଜଳ ବ୍ୟବସ୍ଥା, ସିସିଟିଭିର ବ୍ୟବସ୍ଥା,ଅପେକ୍ଷା ଗୃହ, ଟଏଲେଟ, ପୂଜା ପାଇଁ ସ୍ୱତନ୍ତ୍ର ବ୍ୟବସ୍ଥା ସାଙ୍ଗକୁ ଅନେକ କିଛି ଉନ୍ନୟନମୂଳକ କାର୍ୟ୍ୟ କରାଯାଇଛି। ତେଲେଙ୍ଗାନାର ମହାପ୍ରସ୍ଥାନମ ଢାଞ୍ଚାରେ ପୁରୀ ସ୍ୱର୍ଗଦ୍ୱାରର ବିକାଶ କରାଯାଇଛି।