ବିଶାଳକାୟ କିଙ୍ଗକୋବ୍ରା ଉଦ୍ଧାର

ମୟୁରଭଞ୍ଜ (ବଡ ଖବର ବ୍ୟୁରୋ):  ବାଙ୍ଗିରିପୋଷି ରେଞ୍ଜ ଅନ୍ତର୍ଗତ ନିଶ୍ଚିନ୍ତା ଗ୍ରାମର ଅଶୋକ ମହାପାତ୍ରଙ୍କ ଘର ମଧ୍ୟରେ ବେଡ଼ ତଳୁ ଏକ ବିଶାଳ କାୟା ୧୫ଫୁଟ ଲମ୍ବର କିଙ୍ଗ କୋବ୍ରା ଉଦ୍ଧାର। ସାପଟି ଅତି ଭୟଙ୍କର ହୋଇଥିବାରୁ ଲୋକେ ଭୟଭୀତ ହୋଇଯାଇଥିଲେ। ପରେ ସାପ ଧରାଳି ବିଶେଷଜ୍ଞ କୃଷ୍ଣଚନ୍ଦ୍ର ଗଛାୟତଙ୍କୁ ସୂଚନା ଦେଇଥିଲେ।ଖବର ପାଇଁ କୃଷ୍ଣଚନ୍ଦ୍ର ଗଛାୟତ ଉକ୍ତ ସ୍ଥାନରେ ପହଞ୍ଚି ସାପଟିକୁ ଏକ ଖଟ ତଳୁ ଉଦ୍ଧାର କରିଥିଲେ । ସାପ ଧରିବା ସମୟରେ ବାଙ୍ଗିରିପୋଷି ରେଞ୍ଜ ଅଧିକାରୀ ଓ ଜଙ୍ଗଲ ବିଭାଗର ଅନ୍ୟ କର୍ମକର୍ତ୍ତାମାନେ ଉପସ୍ଥିତ ଥିଲେ। ତେବେ ଘର ମଧ୍ୟକୁ କିଭଳି ଏବଂ କେଉଁଆଡ଼ୁ ଆସିଲା ତାହାର କୌଣସି ସୂଚନା ମିଳି ପାରିନଥିବା ବେଳେ ଏହି ସାପକୁ ଶିମିଳିପାଳ ଜାତୀୟ ଅଭୟାରଣ୍ୟର ଘଞ୍ଚ ଜଙ୍ଗଲ ମଧ୍ୟରେ ଛଡା ଯାଇଥିବାର ସୂଚନା ମିଳିଛି।