ଜଣେ ୪୦୬ଙ୍କୁ ପଜିଟିଭ କରିବା ଆଶଙ୍କା
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କରୋନାର ଦ୍ୱିତୀୟ ଲହର ଦିନକୁ ଦିନ ମାରାତ୍ମକ ହେବାରେ ଲାଗିଛି । ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଥିବାବେଳେ ମୃତ୍ୟୁ ସଂଖ୍ୟା ବି ବଢିବାରେ ଲାଗିଛି । ଏଥିପାଇଁ ସରକାର କୋଭିଡ ଗାଇଡ ଲାଇନକୁ କଡ଼ାକଡ଼ି ଭାବେ ପାଳନ କରିବାକୁ ନିର୍ଦ୍ଦେଶ ଦେଇଛନ୍ତି । ମାସ୍କ ନପିନ୍ଧିିଲେ ଓ ସାମାଜିକ ଦୂରତା ନରଖିଲେ ସଂକ୍ରମଣର ବିପଦ ଭୟଙ୍କର ରହିବ ବୋଲି ଆଶା କରାଯାଉଛି ।
ଭାରତ ସରକାରଙ୍କ ପକ୍ଷରୁ କୁହାଯାଇଛି ଯେ, ଜଣେ କରୋନା ସଂକ୍ରମିତ ବ୍ୟକ୍ତି ୪୦୬ ଜଣଙ୍କୁ ସଂକ୍ରମିତ କରିପାରିବେ । ଏକ ରିପୋର୍ଟକୁ ଆଧାର କରି କୁହାଯାଇଛି ଜଣେ ସଂକ୍ରମିତ ବ୍ୟକ୍ତି ୫ ଦିନ ଭିତରେ ୨ ଜଣ ବ୍ୟକ୍ତିଙ୍କୁ ସିଧାସଳଖ ସଂକ୍ରମିତ କରାନ୍ତି । ତେବେ ୩୦ ଦିନ ମଧ୍ୟରେ ଏହା ୪୦୬ ଜଣ ସଂକ୍ରମିତ ହେବେ । ୫୦ ପ୍ରତିଶତ ସାମାଜିକ ଦୂରତ୍ୱ ରହିଲେ ଜଣେ ସଂକ୍ରମିତଙ୍କ ଦ୍ୱାରା ୩୦ ଦିନ ମଧ୍ୟରେ ମାତ୍ର ୧୫ ଜଣ ଲୋକ ସଂକ୍ରମିତ ହେବେ । ଯଦି ୭୫ ପ୍ରତିଶତ ସାମାଜିକ ଦୂରତା ରହିବ ତେବେ ୩୦ ଦିନ ମଧ୍ୟରେ ୨ ଜଣକୁ ସଂକ୍ରମିତ କରିପାରିବ ।
ସେହିଭଳି ଯଦି ଜଣେ ସଂକ୍ରମିତ ବ୍ୟକ୍ତି ମାସ୍କ ବ୍ୟବହାର କରନ୍ତି ଓ ସଂକ୍ରମିତ ହୋଇନଥିବା ବ୍ୟକ୍ତି ମାସ୍କ ପିନ୍ଧି ସଂକ୍ରମିତ ବ୍ୟକ୍ତିଙ୍କ ୬ ଫୁଟ ଦୂରତାରେ ଆସନ୍ତି ତେବେ ସଂକ୍ରମଣର ବିପଦ ବହୁତ କମ ରହିବ । ଯଦି ୬ ଫୁଟ ଦୂରତା ନରୁହେ ତେବେ ସଂକ୍ରମଣ ୧୫ ପ୍ରତିଶତ ରହିବାର ଆଶଙ୍କା ରହିଛି । ଯଦି ମାସ୍କ ପିନ୍ଧିବା ଓ ସାମଜିକ ଦୂରତା ରକ୍ଷା କରାଯାଏ ତେବେ ସଂକ୍ରମଣ ବଢିବାର ଆଶଙ୍କା କମ ରହିବ ବୋଲି ଭାରତ ସରକାରଙ୍କ ପକ୍ଷରୁ କୁହାଯାଇଛି ।