(ବଡ଼ ଖବର ବ୍ୟୁରୋ) : କାହିଁକି ଡରିବା ଟିକା ନେବାକୁ ? ଟିକାକୁ ନେଇ କାହିଁକି ମନରେ ଉଠୁଛି ସନ୍ଦେହ ? ଟିକା ନେବାର ଫାଇଦା ବିଷୟରେ ଜାଣିଛନ୍ତି କି ନାହିଁ । ଏହି ଟିକା ହେଉଛି ଏକ ମାତ୍ର ପ୍ରତୀକାତ୍ମକ ଉପାୟ । ଟୀକା ନେବା ପରେ କରୋନା ଭାଇରସ ବିରୋଧରେ ଆଣ୍ଟିବଡି ତିଆରି ହୋଇଥାଏ । ନିକଟରେ ଭାରତ ବାୟୋଟେକ ତୃତୀୟ ପର୍ଯ୍ୟୟ ପରୀକ୍ଷା ଶେଷ କରି ପ୍ରମାଣ କରିଛି ଯେ ଟିକାକୁ ଜରୁରୀକାଳୀନ ବ୍ୟବହାର କରିପାରିବେ । କୋଭାକ୍ସିନ ଟିକା ୮୦ ଭାଗ ପର୍ଯ୍ୟନ୍ତ କାମ କରୁଛି । ଏହା ସହ ଗମ୍ଭୀର ଶ୍ରେଣୀର କୋଭିଡ ଭୁତାଣୁ ବିରୋଧରେ ଏହା ଶହେ ପ୍ରତିଶତ ସହାୟକ ହେବ । ସେରମ ଇନଷ୍ଟିଚ୍ୟୁଟ ଅପ୍ ଇଣ୍ଡିଆ ଦ୍ୱାରା ପ୍ରସ୍ତୁତ କୋଭିସିଲ୍ଡ ଟିକା ମଧ୍ୟ ସମାନ କାମ କରୁଥିବା ନେଇ ବିଶେଷଜ୍ଞ ମାନେ ମତ ରଖିଛନ୍ତି । ତେବେ ଟିକା ନେବା ପରେ କରୋନା ହେବନି ସେଭଳି କିଛି ସୂଚନା ନାହିଁ ।
ଟିକା ନେବା ଦ୍ୱାରା କରୋନାରେ ଆକ୍ରାନ୍ତ ହେବାର ଆଶଙ୍କା ବହୁତ କମ୍ ଥାଏ । ଏଥିପାଇଁ ଟିକା ନେବା ନିହାତି ଜରୁରୀ । ଟୀକା ଏକ ମାତ୍ର ଉପାୟ ଯାହାଦ୍ୱାରା କରୋନା ଭାଇରସକୁ ହରେଇ ହେବ । ଦ୍ୱିତୀୟ ଡୋଜ ନେବାର ୧୫ ଦିନ ପରେ ନିଜକୁ ସୁରକ୍ଷିତ ମାନନ୍ତୁ । କାହିଁକି ନା ଟିକା ନେବା ପରେ ଆପଣଙ୍କ ଦେହରେ ରୋଗ ପ୍ରତିରୋଧକ ଶକ୍ତି ସୃଷ୍ଟି ହୋଇଥାଏ । ଯାହାକି ପ୍ରାକୃତିକ ରୂପରେ ତିଆରି ହେବାକୁ ବହୁତ ସମୟ ନେଇଥାନ୍ତା । ତେବେ ଟୀକା ନେବା ପରେ ଆପଣଙ୍କ ଦେହ ଯଦି ଅସୁସ୍ଥ ହେଉଛି ଅର୍ଥାତ ଜ୍ୱର, ଦେହ ଘୋଳାବିନ୍ଧା ଭଳି କିଛି ଅନୁଭବ କରୁଛନ୍ତି, ତେବେ ଡରନ୍ତୁ ନାହିଁ । କାହିଁକିନା ଏହାର ଅର୍ଥ ଆପଣଙ୍କ ଦେହରେ ସେ ଟିକାର ସକରାତ୍ମକ ପ୍ରଭାବ ପଡୁଛି । ଆପଣ ଏ ସଂପର୍କରେ ଡାକ୍ତରଙ୍କ ପରାମର୍ଶ ନିଅନ୍ତୁ ।
ଟିକା ନେଇ ଲୋକଙ୍କର ମୃତ୍ୟୁ ହେଉଥିବା ଖବରକୁ ଗୁଜବ ବୋଲି ଘୋଷଣା କରାଯାଇଛି । ଟୀକା ନେବା ଦ୍ୱାରା ତାଙ୍କର ମୃତ୍ୟୁ ହୋଇନଥାଏ । ମୃତକ ମାନେ ଅନ୍ୟ କିଛି ରୋଗରେ ଆକ୍ରାନ୍ତ ରହି ପ୍ରାଣ ହାରି ଥାନ୍ତି । ତେବେ ଟିକାକୁ ନେଇ କିଛି ଭୟ କରନ୍ତୁ ନାହିଁ । ମୂଲ୍ୟହୀନ ପ୍ରଶ୍ନ ମନକୁ ଆଣିବା ଛାଡି ନିର୍ଭୟର ସହ ଟିକା ନିଅନ୍ତୁ । ତେବେ ଏହାରି ମଧ୍ୟରେ ଆଉ ଏକ ଗୁରୁତ୍ୱପୂର୍ଣ୍ଣ ସୂଚନା ମିଳିଛି । ଭାରତୀୟ ବାୟୋଟେକ ଦ୍ୱାରା ପ୍ରସ୍ତୁତ ହୋଇଥିବା କୋଭାକ୍ସିନ ଟିକା ଠାରୁ ଋଷିଆର ସ୍ପୁଟନିକ ଏବଂ ଆମେରିକାର ଫାଇଜର ଟିକାକୁ ଅଧିକା ବିଶ୍ୱାସ କରାଯାଉଛି । ହେଲେ ଆମ ଦେଶରେ ପ୍ରସ୍ତୁତ ହୋଇଥିବା ଟିକା ହୁଏତ ସାଧାରଣ ଲୋକଙ୍କ ପାଖରେ ପଂହଚିଯିବ । ମାତ୍ର ବିଦେଶୀୟ ଟିକା ପଂହଚିବା ମୁସକିଲ ହୋଇଯିବ । ତେବେ ଟିକା ନିଅନ୍ତୁ, ସୁସ୍ଥ ରହନ୍ତୁ ।
