ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜି ଇଦ୍-ଉଲ୍ ଫିତର୍ । ଇସଲାମ ଧର୍ମର ପବିତ୍ର ଦିନ । ଗୁରୁବାର ରମଜାନ ମାସର ଶେଷ ହୋଇଛି । ସନ୍ଧ୍ୟାରେ ଇଦ୍ ଚାନ୍ଦ ଦେଖି ଉପାସକ ମାନେ ମାସ ଯାକ କରିିଥିବା ରମଜାନ ଶେଷ କରିଛନ୍ତ । ଆଉ ଆଜି ପାଳନ କରିବେ ତ୍ୟାଗ ଓ ସମର୍ପଣର ପର୍ବ ଇଦ୍-ଉଲ-ଫିତର । ତେବେ କରୋନା କିନ୍ତୁ ଚଳିତ ବର୍ଷ ଇଦ୍ ପାଳନକୁ ଫିକା କରିଛି । କଟକଣା ଯୋଗୁଁ ନା ହୋଇଛି ସମୂହ ନମାଜ ପାଠ, ନା ହୋଇଛି ଇଫତାର ପାର୍ଟି । ମସଜିଦ ଓ ଇଦଗାହାରୁ ଶୁଭିନି ଇଦ୍ ମୁବାରକ୍ । କେବଳ ବିଧି ପାଳନ ପାଇଁ ମୌଲାନାମାନେ ମସଜିଦରେ ନମାଜ ପାଠ କରିଥିବା ବେଳେ ଉପାସକ ମାନେ ନିଜ ଘରେ ହିଁ ରହି ନମାଜ ପାଠ କରିଛନ୍ତି । ଘରୁ ଘରୁ ଗୁଞ୍ଜରିତ ହୋଇଛି ନମାଜ ।
ତେବେ ୨୦୨୦ରେ ମଧ୍ୟ ଇଦ୍ ପାଳନ ସମ୍ପୂର୍ଣ୍ଣ ଫିକା ପଡ଼ିଥିଲା । ମସଜିଦମାନଙ୍କରେ ସମୂହ ନମାଜ ପାଠ ବନ୍ଦ ଥିଲା । ଏଥର ମଧ୍ୟ ଅନୁରୁପ ଦେଖିବାକୁ ମିଳିଛି । ସକାଳୁ ଇସଲାମ ଧର୍ମର ବ୍ୟକ୍ତିବିଶେଷ ମା୍େନ ନମାଜ ପାଠ କରିଛନ୍ତି । ବିଧି ଅନୁସାରେ ଆଜି ଦିନରେ ଦାନ ଧର୍ମ କରିବାର ପ୍ରଥା ରହିଛି । ଏହାଛଡ଼ା ଗୁରୁଜନମାନଙ୍କ ପାଦ ଛୁଇଁ ପ୍ରଣାମ ମଧ୍ୟ କରାଯାଏ । ତେବେ ଲକଡାଉନ ଯୋଗୁଁ ବାହାରକୁ ଯିବାକୁ ମନା ହୋଇଥିବା କାରଣରୁ ଘର ମଧ୍ୟରେ ହିଁ ପାଳନ କରାଯାଇଛି ଇଦ୍-ଉଲ-ଫିତର ।
