ଆସନ୍ତା ଡିସେମ୍ବର ସୁଦ୍ଧା ଶେଷ ହେବ ଟିକାକରଣ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦେଶରେ ଆସନ୍ତା ଡିସେମ୍ବର ମାସ ଶେଷ ସୁଦ୍ଧା ସରିବ ଟିକାକରଣ । ଏନେଇ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭେଦକର କରିଛନ୍ତି ଘୋଷଣା । କିଛି ଦିନ ତଳେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଟିକାର ଅଭାବ ନେଇ ଅଭିଯୋଗ କରିଥିଲେ । ଯାହାର ଉତ୍ତର ରଖିଛନ୍ତି କେନ୍ଦ୍ରମନ୍ତ୍ରୀ ଜାଭେଦକର । ସେ କହିଛନ୍ତି ଦେଶରେ ଟିକାର ଅଭାବ ନାହିଁ । କୋଭିଡ ଚେନ ବ୍ରେକଲାଗି ଦେଶବ୍ୟାପୀ ବ୍ୟାପକ ଟିକାକରଣ କରାଯାଉଛି ।
ଡାଭେଡକରଙ୍କ ସୂଚନାନୁସାରେ ଡିସେମ୍ବର ସୁଦ୍ଧା ୨୧୬ କୋଟି କୋଭିଡ -୧୯ ଟିକା ଡୋଜ ପ୍ରସ୍ତୁତ କରାଯିବ । ଏନେଇ ସ୍ୱାସ୍ଥ୍ୟମନ୍ତ୍ରଣାଳୟ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଛି । ଯାହାକି ଅତି କମରେ ୧୦୮ କୋଟି ଲୋକଙ୍କୁ ଟିକାକରଣ କରାଯାଇପାରିବ । ଦେଶର କୋଭିଡ ପରିଚାଳନା ନେଇ କଂଗ୍ରେସ ନେତା ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ମୋଦୀଙ୍କ ଉପରେ ଅସନ୍ତୋଷ ବ୍ୟକ୍ତ କରିଥିଲେ । ଯାହାର ସ୍ପଷ୍ଟିକରଣ ଲାଗି ଜାଭେଡକର ପ୍ରେସ ମିଟ ଜରିଆରେ ତଥ୍ୟ ରଖିଛନ୍ତି ।