ମାଓବାଦୀଙ୍କ ବର୍ବରତା, ଆଇଇଡି ବିସ୍ଫୋରଣରେ ହେଡ୍ କନେଷ୍ଟବଳ ସହିଦ

ମାଲକାନଗିରି (ବଡ଼ ଖବର ବ୍ୟୁରୋ): ମାଓବାଦୀଙ୍କ ବର୍ବରତା । ଆଇଇଡି ବିସ୍ଫୋରଣରେ ହେଡ୍ କନେଷ୍ଟବଳ ସହିଦ । ମାଲକାନଗିରି ସୀମାନ୍ତ ଛତିଶଗଡ଼ର ନାରାୟଣପୁରରେ ଆଇଇଡି ବିସ୍ଫୋରଣ ହୋଇଛି । ନକ୍ସଲ ମାନେ ଓରଛା ଅଞ୍ଚଳରେ ପୋଷ୍ଟର ବ୍ୟାନର ଲଗାଇଥିବା ସୂଚନା ପାଇବା ପରେ ଡିଆରଜି ଏବଂ ସିଏଏଫ ଯବାନଙ୍କ ଏକ ମିଳିତ ଟିମ୍ ଓରଛା ପୁଲିସ ଥାନାରୁ ପାଟ୍ରୋଲିଂ ପାଇଁ ବାହାରିଥିଲେ ।

ଏହି ସମୟରେ ବଟୁମପାରା ଟେକ୍ରିରେ ଆଇଇଡି ବିସ୍ଫୋରଣ ହୋଇଥିଲା । ଏହି ବିସ୍ଫୋରଣରେ ଆହାତ ହୋଇଥିଲେ ଯଶପୁର ଜିଲ୍ଲା ବାସିନ୍ଦା ଯବାନ ସଞ୍ଜୟ ଲକଡା। ଯବାନ ମାନେ ତୁରନ୍ତ ଏହି ଅଞ୍ଚଳକୁ ସୁରକ୍ଷିତ କରି ଯବାନଙ୍କୁ ଓରଛା ଡାକ୍ତରଖାନାକୁ ପ୍ରାଥମିକ ଚିକିତ୍ସା ପାଇଁ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଘଟଣା ସ୍ଥଳରେ ସର୍ଚ୍ଚିଂ ଜାରି ରହିଥିବା ପୋଲିସ ସୂଚନା ଦେଇଛି ।