ମୁମ୍ବାଇ(ବଡ଼ ଖବର ବ୍ୟୁରୋ): କରୋନା ମହାରାଷ୍ଟ୍ରରେ ଆତଙ୍କ ଖେଳାଇ ଚାଲିଛି । କେବଳ ମେ’ରେ ଗୋଟିଏ ଜିଲ୍ଲାରେ ୮ହଜାରରୁ ଅଧିକ ଶିଶୁ କରୋନାରେ ଆକ୍ରାନ୍ତ ହୋଇଛନ୍ତି । ଅହମେଦ୍ନଗର ଜିଲ୍ଲାରେ ହଜାର ହଜାର ଶିଶୁ କରୋନାରେ ଆକ୍ରାନ୍ତ ହେବା ପରେ ରାଜ୍ୟ ସରକାରଙ୍କ ଚିନ୍ତା ବଢିଯାଇଛି । କରୋନାର ତୃତୀୟ ଲହରରେ ଶିଶୁ ଅଧିକ ଆକ୍ରାନ୍ତ ହେବାର ଆଶଙ୍କା ଥିବାରୁ ରାଜ୍ୟ ସରକାର ତ୍ୱରିତ ପଦକ୍ଷେପ ଗ୍ରହଣ କରିଛନ୍ତି । ସଙ୍ଗଲି ସହରରେ ପିଲାଙ୍କ ପାଇଁ ସ୍ୱତନ୍ତ୍ର କୋଭିଡ୍ ହସ୍ପିଟାଲ ଖେଶଲିବା ପାଇଁ ରାଜ୍ୟ ସରକାର ଆବଶ୍ୟକ ପଦକ୍ଷେପ ଗ୍ରହଣ କରିଛନ୍ତି । ତୃତୀୟ ଲହର ଆସିବା ପୂର୍ବରୁ ଏହି ହସ୍ପିଟାଲକୁ ସମ୍ପୂର୍ଣ୍ଣ କାର୍ଯ୍ୟକ୍ଷମ କରାଯିବ ।
ସ୍ଥାନୀୟ କର୍ପୋରେଟର ଅଭିଜିତ୍ ଭୋସଲେ କହିଛନ୍ତି, ପିଲାମାନେ ଯେପରି ଅନୁଭବ କରିବେ କରିବେ ନାହିଁ, ସେମାନେ ହସ୍ପିଟାଲରେ ଅଛନ୍ତି । ଅନୁଭବ କରିବେ ଯେପରି ସ୍କୁଲ କିମ୍ବା ନର୍ସରୀରେ ଅଛନ୍ତି । ଅହମେଦନଗର ଜିଲ୍ଲାପାଳ ରାଜେନ୍ଦ୍ର ଭୋସଲେ ଓ ସ୍ଥାନୀୟ ବିଧାୟକ ସଂଗ୍ରମା ଜଗତାପ କହିଛନ୍ତି, କରୋନାର ଦ୍ୱିତୀୟ ଲହର ସମୟରେ ଜିଲ୍ଲାରେ ବେଡ ଓ ଅକ୍ସିଜେନ୍ ସମସ୍ୟା ଲାଗିରହିଥିଲା । ତୃତୀୟ ଲହରରେ ଯେପରି ଏହି ସମସ୍ୟା ନରହେ ସେଥିପ୍ରତି ଧ୍ୟାନ ଦିଆଯାଉଛି । ବିଶେଷଜ୍ଞମାନେ କହିଛନ୍ତି କରୋନାର ତୃତୀୟ ଲହର ଜୁଲାଇ ଶେଷ କିମ୍ବା ଅଗଷ୍ଟ ପ୍ରଥମ ସପ୍ତାହରେ ହିଟ୍ କରିବ ।
