ୟୁଜି, ପିଜି ଶେଷ ବର୍ଷ ପରୀକ୍ଷା ହେବ

ଭୁବନେଶ୍ୱର(ବଡ଼ ଖବର ବ୍ୟୁରୋ): ୟୁଜି, ପିଜି ଶେଷ ବର୍ଷ ପରୀକ୍ଷା ହେବ । ଅନଲାଇନ ମାଧ୍ୟମରେ ପରୀକ୍ଷା ଦେବେ ଛାତ୍ରଛାତ୍ରୀ । ଜୁଲାଇ-ଅଗଷ୍ଟ ଶେଷ ସୁଦ୍ଧା ପରୀକ୍ଷା କରାଯିବ । ଘରୁ ବା ନିକଟସ୍ଥ କଲେଜରୁ ପରୀକ୍ଷା ଦେବେ ଛାତ୍ରଛାତ୍ରୀ । ଏନେଇ ସୂଚନା ଦେଇଛନ୍ତି ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ । ୟୁଜି ପିଜି ପରୀକ୍ଷା ନେଇ ଆଜି କୂଳପତିମାନଙ୍କୁ ନେଇ ଏକ ଭର୍ଚୁଆଲ ବୈଠକ ଅନୁଷ୍ଠିତ ହୋଇଥିଲା । ବୈଠକରେ ଉଚ୍ଚଶିକ୍ଷା ମନ୍ତ୍ରୀ ସଚିବ ଓ କୁଳପତିମାନେ ଯୋଗ ଦେଇଥିଲେ ।

ଜୁନ ୧୨ରେ ୟୁଜି ପିଜି ପରୀକ୍ଷା ନେଇ ନିଷ୍ପତ୍ତି ନିଆଯାଇଥିଲା । କିନ୍ତୁ ଅନଲାଇନ ବା ଅଫଲାଇନ ହେବ ସେ ନେଇ କୌଣସି ନିଷ୍ପତ୍ତି ନିଆଯାଇ ନଥିଲା । ଆଜିର ବୈଠକରେ କୁଳପତିମାନେ ନିଜର ମତାମତ ରଖିବା ପରେ ଅନଲାଇନ ମାଧ୍ୟମରେ ପରୀକ୍ଷା ହେବା ନେଇ ନିଷ୍ପତ୍ତି ନିଆଯାଇଛି ।