୨୫ଲକ୍ଷ ଟଙ୍କାର ଗଞ୍ଜେଇ ଜବତ

ଲମତାପୁଟ(ବଡ଼ ଖବର ବ୍ୟୁରୋ): ୨୫ଲକ୍ଷ ଟଙ୍କାର ଗଞ୍ଜେଇ ଜବତ । ଜଣେ ଅଟକ । ଗଞ୍ଜେଇ ଚୋରା ଚାଲାଣ ବେଳେ ଧରା ପଡିଲେ ପୋଲିସ ହାତରେ । ଆନ୍ଧ୍ରସୀମାନ୍ତ ଜଲାପୁଟ ଅଞ୍ଚଳ ରୁ ଗଞ୍ଜେଇ ଚୋରା ଚାଲଣ ବେଳେ ମାଛକୁଣ୍ଡ ପୋଲିସ ହାତରେ ଧରା ପଡିଛି ବିପୁଳ ଗଞ୍ଜେଇ । ଚୋରା ଚାଲାଣ ବେଳେ ଖବର ପାଇ କୋରାପୁଟ ଏସପି ଙ୍କ ନିର୍ଦେଶ କ୍ରମେ ନନ୍ଦପୁର ଏସ. ଡ଼ି. ପି. ଓ  ଙ୍କ ନେତୃତ୍ଵ ରେ ମାଛକୁଣ୍ଡ ପୋଲିସ ସାନ ଶଗର ଗ୍ରାମ ନିକଟରେ ନାକା ବନ୍ଦୀ କରିଥିଲେ ।

ସୀମାନ୍ତ ବର୍ତ୍ତି ମୁଚିମ୍ ପୁଟ ଗ୍ରାମରୁ ଭାୟା ସିମିଳିଗୁଡା ଦେଇ ବିହାରକୁ ଚାଲାଣ ହେଉଥିଲା ଗଞ୍ଜେଇ । ପ୍ରାୟ ୧୫ଟି ବସ୍ତାରେ ପ୍ରାୟ ଅଢେଇ କୁଇଣ୍ଟାଲ ଗଞ୍ଜେଇ ଜବତ କରାଯାଇଛି । ଗିରଫ ଯୁବକ ଜଣକ ହେଲେ ସ୍ଥାନୀୟ ଜଲାପୁଟ ଗ୍ରାମ ର ଦେବାସୀସ ଆଚାର୍ୟ୍ୟ । ତେବେ ଏଥିରେ ଆଉ କେଉଁ ମାନେ ସଂପୃକ୍ତ ଅଛନ୍ତି ତାର ତଦନ୍ତ ଜାରି ରଖିଛି ପୋଲିସ ।