ମହାମୁକାବିଲାରେ ନ୍ୟୁଜିଲାଣ୍ଡ ଚାମ୍ପିଅନ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ନ୍ୟୁଜିଲାଣ୍ଡ ଟେଷ୍ଟ୍ କ୍ରିକେଟର ପ୍ରଥମ ବିଶ୍ୱ ଚାମ୍ପିଅନ । ଦଳ ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲରେ ଭାରତକୁ ୮ ଓ୍ୱିକେଟରେ ପରାସ୍ତ କରି ଟାଇଟଲ୍ ଜିତିଛି । ବିଶ୍ୱ ଟେଷ୍ଟ ଚାମ୍ପିଅନସିପରେ ଗତ ୨ ବର୍ଷ ହେଲା ଚାମ୍ପିଅନ ଭଳି ଖେଳୁଥିବା ଭାରତ ଟାଇଟଲ୍ ଜିତିବାରେ ଫ୍ଲପ୍ ହୋଇଛି । ମହାମୁକାବିଲାରେ ପ୍ରଥମ ପାଳିରେ ଭାରତୀୟ ଓପନର ଭଲ ଆରମ୍ଭ କରିଥିଲେ ।
ରୋହିତ ଶର୍ମା ଓ ଶୁଭମନ ଗିଲ୍ ପ୍ରଥମ ଓ୍ୱିକେଟରେ ଅର୍ଧଶତକୀୟ ପାଳି ଖେଳିଥିଲେ । ରୋହିତ ୩୪ ରନ୍ କରିଥିବା ବେଳେ ଗିଲ୍ ୨୮ ରନ୍ କରିଥିଲେ । କିନ୍ତୁ ଦ୍ୱିତୀୟ ଇନିଂସରେ ଦଳର ପ୍ରଥମ ଓ୍ୱିକେଟ ୨୪ ରନରେ ପଡିଥିଲା । ଗିଲ୍ ୮ ରନ୍ କରି ଆଉଟ ହୋଇଥିଲେ । ରୋହିତ ମଧ୍ୟ ୩୦ ରନ୍ କରି ପ୍ୟାଭିଲିୟନ ଫେରିଥିଲେ । ଫାଇନାଲ ଭଳି ଗୁରୁତ୍ୱପୂର୍ଣ୍ଣ ମୁକାବିଲାରେ ଭାରତର ବ୍ୟାଟ୍ସ୍ ମ୍ୟାନ୍ ଅଧିକ ରନ୍ ସଂଗ୍ରହ କରିବେ ବୋଲି ସମସ୍ତେ ଆଶା କରିଥିଲେ । ଶେଷରେ ଭାରତୀୟ ଦଳର ହୋଇଛି ପରାଜୟ ।