ଅନ୍ୟ ଏକ ରୋଗ ଚିହ୍ନଟ: ଜାଣନ୍ତୁ ରୋଗର ନାମ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତରେ କରୋନା ଭାଇରସ୍ ସଂକ୍ରମଣରୁ ମୁକ୍ତିପରେ ଲୋକଙ୍କଠାରେ ଆହୁରି ଅନେକ ସମସ୍ୟା ଦେଖିବାକୁ ମିଳୁଛି । ମ୍ୟୁକୋରମାଇକସିସ୍ ବା ବ୍ଲାକ୍ ଫଙ୍ଗସରେ ଆକ୍ରାନ୍ତ ହୋଇଥିବା ଲୋକଙ୍କଠାରେ ଆଉ ଏକ ନୂଆରୋଗ ଦେଖିବାକୁ ମିଳୁଛି । ସେହି ନୂଆ ରୋଗକୁ ଆଭାସ୍କୁଲାର ନେକ୍ରୋସିସ୍ କୁହାଯାଉଛି । ଆଭାସ୍କୁଲାର ନେକ୍ରୋସିସ୍ ରୋଗ ହେଲେ ରୋଗୀର ହାଡ଼ ଧୀରେ ଧୀରେ ମିଳେଇ ଯାଉଛି ।
ଆଭାସ୍କୁଲାର ନେକ୍ରୋସିସ ରୋଗୀଙ୍କ ଶରୀର ରକ୍ତ ଅସ୍ଥି ଟିସୁରେ ଠିକ୍ ପହଞ୍ଚୁ ନାହିଁ । ଫଳରେ ଅସ୍ଥି ଧୀରେ ଧୀରେ ଦୁର୍ବଳ ହେବା ସହ ମରିଯାଉଛି । ଡାକ୍ତରଙ୍କ କଥାନୁସାରେ ହାତ ମିଳାଇଯାଉଛି । ମାୟାନଗରୀ ମୁମ୍ବାଇରେ ଆଭାସ୍କୁଲାର ନେକ୍ରୋସିସ୍ ରୋଗ ଦେଖିବାକୁ ମିଳିଛି । ୩ଟି ନୂଆ ମାମଲା ସାମ୍ନାକୁ ଆସିଛି ।
ଆଗାମୀ କିଛି ଦିନ ମଧ୍ୟରେ ଏହି ମାମଲା ଆହୁରି ବଢିପାରେ ବୋଲି ଡାକ୍ତରମାନେ ଆଶଙ୍କା କରୁଛନ୍ତି । ଷ୍ଟେରଏଡଗୁଡିକ ବ୍ଲାକ୍ ଫଙ୍ଗସ୍ ଏବଂ ଆଭାସ୍କୁଲାର୍ ନେକ୍ରୋସିସ୍ ରୋଗର ମୁଖ୍ୟ କାରଣ ବୋଲି ଡାକ୍ତରମାନେ କହୁଛନ୍ତି । କୋଭିଡ ରୋଗୀଙ୍କୁ ଭଲ କରିବା ପାଇଁ ଷ୍ଟେରଏଡ ଅନେକ କ୍ଷେତ୍ରରେ ବ୍ୟବହୃତ ହୋଇଥାଏ । ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ୪୦ ବର୍ଷରୁ କମ୍ ତିନିଜଣ ଆଭାସ୍କୁଲାର୍ ନେକ୍ରୋସିସରେ ଆକ୍ରାନ୍ତ ହୋଇ ମୁମ୍ବାଇର ହିନ୍ଦୁଜା ହସ୍ପିଟାଲରେ ଚିକିତ୍ସିତ ହେଉଛନ୍ତି ।