ଦୁର୍ବଳ ସ୍ଥିତିରେ ଟିକାକରଣ

ଭୁବନେଶ୍ୱର (ବଡ଼ ଖବର ବ୍ୟୁରୋ): ପ୍ରତ୍ୟେକ ଦିନ ରାଜ୍ୟରେ ଦେଖାଦେଉଛି ଟିକା ସଙ୍କଟ । ବର୍ତ୍ତମାନ ଟିକାକରଣ ଦୁର୍ବଳ ସ୍ଥିତିରେ । ଗତକାଲି ୧୫ଟି ଜିଲ୍ଲାରେ ଟିକାକରଣ ବନ୍ଦ ଥିବାବେଳେ ଆଜି ୧୧ ଜିଲ୍ଲାରେ ବନ୍ଦ ରହିବ ଟିକାକରଣ । ଜିଲ୍ଲାର ୩୯୬ ସେସନ ସାଇଟରେ ଦିଆଯିବ ଟିକା । ସେପଟେ, ମହାରାଷ୍ଟ୍ର ଓ କେରଳରେ ଆକ୍ଟିଭ ମାମଲା ଲକ୍ଷେ ଉପରେ ରହିଛି। କର୍ଣ୍ଣାଟକ, ଆନ୍ଧ୍ରପ୍ରଦେଶ, ତେଲେଙ୍ଗାନା ଓ ଓଡ଼ିଶା ଭଳି ରାଜ୍ୟରେ ଆକ୍ଟିଭ ମାମଲା ୧୦ ହଜାର ଉପରେ ରହିଛି ।

ଏପ୍ରିଲରେ ଦେଶରେ ୯ କୋଟି ଟିକାକରଣ ହୋଇଥିଲା । ମେ ମାସରେ ଏହା ୬ କୋଟିକୁ ଖସିଆସିଲା । ଜୁନ ମାସରେ ଏହା ବଢି ପୁଣି ୧୨ କୋଟି ହୋଇଛି । ଡିସେମ୍ବର ସୁଦ୍ଧା ୧୮ ବର୍ଷରୁ ଅଧିକ ବୟସର ସମସ୍ତଙ୍କୁ ଟିକାକରଣ କରାଯିବାକୁ ଲକ୍ଷ୍ୟ ରଖାଯାଇଛି । ସପ୍ତାହରେ ସବୁ ଦିନରେ ୮୦ ଲକ୍ଷ ଦେଲେ ଡିସେମ୍ବର ସୁଦ୍ଧା ଏହା ଟାର୍ଗେଟ ପୂରା ହୋଇପାରିବ । କିନ୍ତୁ ଦିନକୁ ଦିନ ଯେଉଁଭଳି ଭାବେ ଟିକାକରରଣ ହ୍ରାସ ପାଇବାରେ ଲାଗିଛି, ତାହା ପୂରଣ ହେବ ବୋଲି ଲାଗୁନାହିଁ ।