ଆମକୁ ଔଷଧ ଦିଅ
(ବଡ଼ ଖବର ବ୍ୟୁରୋ): ଆମକୁ ତୁରନ୍ତ ଔଷଧ ଦିଅ । କୋଭିଡ୍ ଟେଷ୍ଟିଂ କିଟ୍ ଦିଅ । ଏଭଳି ବିକଳ ହୋଇ ମିଜୋରାମ ସ୍ୱାସ୍ଥ୍ୟମନ୍ତ୍ରୀ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ ଓ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡାଭିୟାଙ୍କୁ ଚିଠି ଲେଖିଛନ୍ତି । ମିଜୋରାମ ସ୍ୱାସ୍ଥ୍ୟମନ୍ତ୍ରୀ ଡା. ଆର ଲାଥାଙ୍ଗଲିଆନା ଚିଠିରେ ଉଲ୍ଲେଖ କରିଛନ୍ତି, ମିଜୋରାମ ଏକ ପଛୁଆ ରାଜ୍ୟ ।
ଆସାମର ଲୈଲାପୁର ଓ ମିଜୋରାମର ଭାଇରେନଗେଟ୍ ଅଞ୍ଚଳରେ ସୀମା ବିବାଦକୁ ନେଇ ରକ୍ତାକ୍ତ ସଂଘର୍ଷ ହୋଇଥିଲା । ଏହି ସଂଘର୍ଷରେ ଆସାମ ପୋଲିସର ୬ କର୍ମଚାରୀଙ୍କ ମୃତ୍ୟୁ ହୋଇଥିବାବେଳେ ୫୦ରୁ ଅଧିକ ଆହତ ହୋଇଥିଲେ । ଏହି ଘଟଣା ପରେ ଆସାମ ସରକାର ମିଜୋରାମକୁ କୌଣସି ଔଷଧ ବୋଝେଇ ଗାଡ଼ି ଛାହୁଁ ନଥିବାରୁ ବିଷମ ପରିସ୍ଥିତି ସୃଷ୍ଟି ହୋଇଛି ।
