ସଂଗ୍ରାମୀଙ୍କୁ ଝୁରୁଛି ଦେଶ: ପ୍ରଧାନମନ୍ତ୍ରୀ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଦେଶ ପାଳୁଛି ୭୫ତମ ସ୍ୱାଧୀନତା ଦିବସ । ଆଜିବି ପ୍ରତିଟି ହୃଦୟରେ ସ୍ୱାଧୀନତା ସଂଗ୍ରାମୀଙ୍କ ବଳିଦାନର ସ୍ମୃତି ଜୀବନ୍ତ ଓ ସତେଜ ହୋଇ ରହିଛି । ୭୫ତମ ସ୍ୱାଧୀନତା ଦିବସ ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।
ପ୍ରଧାନମନ୍ତ୍ରୀ ଟ୍ୱିଟ କରି କହିଛନ୍ତି, ‘ଆଜାଦ୍ କା ଅମୃତ ମହୋତ୍ସବ’ ରେ ଦେଶବାସୀ ସାମିଲ୍ ହୋଇଥିବାରୁ ଅନେକ ଅନେକ ଶୁଭେଚ୍ଛା । ୨୦୨୧ ଦେଶବାସୀଙ୍କୁ ନୂଆ ଶକ୍ତି ଦେବା ସହ ନବଚେତନା ସୃଷ୍ଟି କରୁ ବୋଲି ପ୍ରଧାନମନ୍ତ୍ରୀ କହିଛନ୍ତି । ଲାଲକିଲ୍ଲାରୁ ପ୍ରଧାନମନ୍ତ୍ରୀ ଦେଶବାସୀଙ୍କ ଉଦ୍ଦେଶ୍ୟରେ ଦେଇଛନ୍ତି ଅଭିଭାଷଣ । ୧୯୪୭, ଆଜି ଦିନରେ ଦେଶ ସ୍ୱାଧୀନ ହେଇଥିଲା । ସଂଗ୍ରାମୀମାନଙ୍କୁ ଦେଶବାସୀ ମନେ ପକାଉଛନ୍ତି ବୋଲି ପିଏମ୍ ମୋଦି କହିଛନ୍ତି । ଅଲିମ୍ପିଆନଙ୍କୁ ସାବାସୀ ଦେଇ ପ୍ରଧାନମନ୍ତ୍ରୀ କହିଛନ୍ତି ମହାମାରୀ ସହ ଲଢିବାରେ ଦେଶ ସଫଳ ହୋଇଛି ।
ଅଗଷ୍ଟ ୧୪କୁ ବିଭିଷୀକା ବିଭାଜନ ଦିବସ ରୂପେ ପାଳିବାକୁ ଆହ୍ୱାନ ଦେଇଛନ୍ତି । ଅଲିମ୍ପିକ୍ସ ସଫଳତା ପ୍ରେରଣା ଯୋଗାଇବ । ଦେଶକୁ ବଦଳାଇବାକୁ ହେଲେ ନିଜକୁ ବଦଳିବାକୁ ପଡ଼ିବ ବୋଲି କହିଛନ୍ତି ପ୍ରଧାନମନ୍ତ୍ରୀ । ନୂଆ ସଂକଳ୍ପକୁ ନେଇ ଆଗେଇବାକୁ ହେବ । ସମସ୍ତଙ୍କ ବିକାଶ ଆମର ଲକ୍ଷ । ଆୟୁଷମାନ ଯୋଜନାରୁ କେହି ବଞ୍ଚିତ ହେବେନି ।
