ସ୍ମାର୍ଟ କାର୍ଡ ବଣ୍ଟନ ପାଇଁ ଜିଲ୍ଲା ଗସ୍ତ କରିବେ ମୁଖ୍ୟମନ୍ତ୍ରୀ

ଭୁବନେଶ୍ୱର(ବଡ଼ ଖବର ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆସନ୍ତା ୨୦ ତାରିଖରୁ ଜିଲ୍ଲା ଗସ୍ତ କରିବେ । ମାଲକାନଗିରିରୁ ଆରମ୍ଭ ହେବ ନବୀନଙ୍କ ଗସ୍ତ । ପରବର୍ତୀ ସମୟରେ ଅନ୍ୟ ଜିଲ୍ଲା ଗସ୍ତ କରିବେ । ଏହି ଅବସରରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ହିତାଧୀକାରୀଙ୍କୁ ସ୍ମାର୍ଟ କାର୍ଡ ବଣ୍ଟନ କରିବେ । ତା ସହ ବିଭିନ୍ନ ସମସ୍ୟା ନେଇ ଲୋକଙ୍କ ଆଲୋଚନା କରିବେ । ରାଜ୍ୟ ସରକାରଙ୍କ ୭ ଜଣ ମନ୍ତ୍ରୀ ବିଭିନ୍ନ ବ୍ଲକରେ ଉପସ୍ଥିତ ରହି ଯୋଜନା ମାଧ୍ୟମରେ ଲୋକଙ୍କୁ ବୁଝାଇବେ ।

ମୁଖ୍ୟମନ୍ତ୍ରୀ ବିଧାସଳଖ ଦେଖିବା ଲାଗି ବିଭିନ୍ନ ବ୍ଲକରେ ଏଲଇଡି ବ୍ୟବସ୍ଥା ହେବ । ପରବର୍ତ୍ତୀ ସମୟରେ ସୁନ୍ଦରଗଡ, ମୟୂରଭଞ୍ଜ, ବଲାଙ୍ଗୀରରେ ମଧ୍ୟ ବିଜୁ ସ୍ୱାସ୍ଥ୍ୟକଲ୍ୟାଣ ଯୋଜନା ହିତାଧିକାରୀଙ୍କୁ ସ୍ମାର୍ଟ କାର୍ଡ ବଣ୍ଟନ କରିବେ । ନଭେମ୍ବର ସୁଦ୍ଧା ସବୁ ହିତାଧୀକାରୀଙ୍କୁ ସ୍ମାର୍ଟ କାର୍ଡ ଦେବା ନେଇ ଲକ୍ଷ୍ୟ ରଖାଯାଇଛି ।