ଫାଟୁସିନେରୀରେ ବାରିକେଟ

କୋରାପୁଟ(ବଡ଼ ଖବର ବ୍ୟୁରୋ): କୋଟିଆକୁ ନେଇ ଥମୁନି ବିବାଦ । ଯେଉଁଥି ପାଇଁ ମୁହାଁମୁହିଁ ହୋଇଛି ଓଡ଼ିଶା-ଆନ୍ଧ୍ର। ଆନ୍ଧ୍ରର ସାଲୁର ବିଧାୟକ ଫାଟୁସିନେରୀ ଆସି ବୃକ୍ଷରୋପଣ, କମ୍ୟୁନିଟି ସେଣ୍ଟରର ଶିଳାନ୍ୟାସ ଭଳି କାର୍ଯ୍ୟକ୍ରମ କରିବାର ଥିଲା । ଯାହାକୁ ବିରୋଧ କରିଛି କୋରାପୁଟ ଜିଲ୍ଲାପ୍ରଶାସନ । ଫାଟୁସିନେରୀରେ ତିଆରି ହୋଇଛି ବାରିକେଟ । ସୀମାକୁ ସିଲ କରାଯାଇଛି । ବିବାଦୀୟ କୋଟିଆ ସୀମାନ୍ତରେ ଶାସକ ବିଜେଡି, ବିଜେପି, କଂଗ୍ରେସ ସିପିଆଇଏମ୍ ଭଳି ଦଳ ଉପସ୍ଥିତ ଥିଲେ । ୫ ପ୍ଲାଟୁନ ଫୋର୍ସ ମୁତୟନ କରାଯାଇଥିଲା ।

କୋଟିଆର ୨୧ଟି ଗାଁକୁ ନେଇ ଲାଗିରହିଛି ବିବାଦ । ଏହାକୁ ନେଇ ସୁପ୍ରିମକୋର୍ଟରେ ଆଇନଗତ ଲଢେଇ ଚାଲିଛି । ଫାଟୁସିନେରୀକୁ ଆନ୍ଧ୍ର ସରକାର ପଂଚାୟତର ମାନ୍ୟତା ଦେଇ ବିଗତ ଦିନରେ ନିର୍ବାଚନ ମଧ୍ୟ ଅନୁଷ୍ଠିତ ହୋଇଥିଲା ।