ଆସାମ (ବଡ଼ ଖବର ବ୍ୟୁରୋ) : ତାଲିବାନ ଆଫଗାନିସ୍ତାନକୁ ଦଖଲ କରିବା ପରେ । ତାଲିବାନ ଆଫଗାନି ମହିଳାମାନଙ୍କୁ ଅତି ନିର୍ମମ ଭାବେ ଗୁଳି କରି ହତ୍ୟା କରୁଛନ୍ତି । ଏଭଳି ଅମାନୁଷିକ ତାଲିବାନି ମାନଙ୍କ କାଯ୍ୟକଳାପକୁ ସୋଶିଆଲ ମିଡିଆରେ ସମର୍ଥନ କରି ପୋଷ୍ଟ କରିବା ମହଙ୍ଗା ପଡ଼ିଛି ।
ତାଲିବାନୀଙ୍କ ସମର୍ଥନରେ ମତ ରଖିଥିବା ୧୪ ଜଣଙ୍କୁ ଆସାମ ପୁଲିସ୍ ଗିରଫ କରିଛି । ଏମାନେ ସମସ୍ତେ ବିଭିନ୍ନ ସୋଶିଆଲ ମିଡିଆ ପ୍ଲାଟଫର୍ମରେ ତାଲିବାନର ଆଫଗାନ ଦଖଲକୁ ଠିକ୍ ବୋଲି କହି ମତ ରଖିଥିଲେ। ଜଣେ ପୁଲିସ୍ ଅଧିକାରୀ କହିଛନ୍ତି, ଆସାମର ବିଭିନ୍ନ ପ୍ରାନ୍ତରୁ ୧୪ ଜଣଙ୍କୁ ଗିରଫ କରାଯାଇଛି। ଏମାନଙ୍କ ନାଁରେ ବେଆଇନ କାର୍ୟ୍ୟକଳାପ ନିରୋଧ ଆଇନ, ଆଇଟି ଆକ୍ଟ ଓ ସିଆରପିସିର ବିଭିନ୍ନ ଦଫାରେ ମାମଲା ରୁଜୁ କରାଯାଇଛି। ଏଥିସହ ପୁଲିସ୍ ଲୋକମାନଙ୍କୁ ସୋଶିଆଲ ମିଡିଆରେ କୌଣସି ପୋଷ୍ଟ କରିବା ପୂର୍ବରୁ ସତର୍କ ରହିବାକୁ ପରାମର୍ଶ ଦେଇଛି । ଏବେ ପୁଲିସ୍ର ନଜର ବିଭିନ୍ନ ସୋଶିଆଲ ସାଇଟ ଉପରେ ରହିଛି।
