ପୁତୁରା ଶାବଳ ମାଡ଼ରେ ଟଳିପଡ଼ିଲେ ବଡ଼ବାପା-ମା

ମୟୂରଭଞ୍ଜ (ବଡ଼ ଖବର ବ୍ୟୁରୋ): ସଂପର୍କରେ ଲାଗିଲା ରକ୍ତର ଛିଟା । ଘରୋଇ କଳି ପାଇଁ ଗଲା ଦୁଇ ଦୁଇଟା ଜୀବନ । ପୁତୁରାର ଆକ୍ରମଣରେ ଚାଲିଗଲା ବଡ଼ ବାପା ଓ ବଡ଼ ମାଙ୍କ ଜୀବନ । ଏଭଳି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ଦେଉରାଡ଼ିହି ଗାଁରେ । ଦେଉରାଡ଼ିହି ଗାଁର ଦୁଇ ଭାଇ ଯୋଗେନ୍ଦ୍ର ହାଁସଦା ଓ ସୁରାଇ ହାଁସଦା ।

ପାଣି ପମ୍ପ ବିକ୍ରି ପାଇଁ ଉଭୟଙ୍କ ମଧ୍ୟରେ ଝଗଡ଼ା ଲାଗିଥିଲା । ସୁରାଇଁ ହାଁସଦାଙ୍କ ପୁଅ ମାଝୀ ହାଁସଦା ଉତକ୍ଷିପ୍ତ ହୋଇ ନିଜ ବଡ଼ବାପା ଓ ବଡ଼ ମାଙ୍କୁ ଶାବଳରେ ଆକ୍ରମଣ କରିଥିଲେ । ଘଟଣାସ୍ଥଲରେ ଉଭୟଙ୍କ ମୃତ୍ୟୁ ଘଟିଥିବା ବେଳେ ଅଭିଯୁକ୍ତ ସୁରାଇଁ ପୋଲିସ ପାଖରେ ଆତ୍ମସମର୍ପଣ କରିଛି ।