ମାଓ ଦମନ ପାଇଁ ନୂଆ ରଣନୀତି

ଭୁବନେଶ୍ୱର (ବଡ଼ ଖବର); ମାଓବାଦୀ ଦମନ ପାଇଁ ଆନ୍ଧ୍ର- ଓଡ଼ିଶା ପୁଲିସ ସମନ୍ୱୟ ବୈଠକରେ ନୂଆ ଋଣନୀତି ପ୍ରସ୍ତୁତ ହୋଇଥିବା ଜଣାଯାଇଛି । ବୈଠକରେ ଓଡ଼ିଶାର ସନ୍ତ୍ରାସବାଦର ସ୍ଥିତି, ମାଓବାଦୀଙ୍କ ମୁକାବିଲା ସହ ଦୁଇ ରାଜ୍ୟର ପୋଲିସ ସମନ୍ୱୟ ସମ୍ପର୍କରେ ଆଲୋଚନା ହୋଇଥିଲା । ଉଭୟ ରାଜ୍ୟର ସୁରକ୍ଷାକର୍ମୀଙ୍କ ସହ କେନ୍ଦ୍ରୀୟ ସୁରକ୍ଷାକର୍ମୀ ରହିବା ସମ୍ପର୍କରେ ମଧ୍ୟ ଆଲୋଚନା ହୋଇଥିଲା ।
ଓଡ଼ିଶା ଗସ୍ତରେ ଆସିଥିବା କେନ୍ଦ୍ର ଗୃହ ମନ୍ତ୍ରାଳୟର ବରିଷ୍ଠ ସୁରକ୍ଷା ପରାମର୍ଶଦାତା କେ.ବିଜୟ କୁମାର ସିଆରପିଏଫ ଡିଜି ଏସ.ପି ମାହେଶ୍ୱରୀ, ରାଜ୍ୟ ଆରକ୍ଷୀ ମହାନିର୍ଦ୍ଦେଶକ ଅଭୟ, ବିଏସଏଫର ସ୍ୱତନ୍ତ୍ର ଡ଼ିଜି କୁଲଦୀପ ସିଂ, ଅତିରିକ୍ତ ଡିଜି ଏସ.ଏଲ ଥାଓସନ, ରାଜ୍ୟ ଗୁଇନ୍ଦା ନିର୍ଦ୍ଦେଶକ ରାଧାକୃଷ୍ଣ ଶର୍ମା ଆର.ଜି ଅମିତାଭ ଠାକୁରଙ୍କ ସହ ଓଡ଼ିଶା ପୋଲିସ, ବିଏସଏଫ ଓ ସିଆରଏଫର ବରିଷ୍ଠ ଅଧିକାରୀମାନେ ଉକ୍ତ ବୈଠକରେ ଯୋଗ ଦେଇଥିଲେ । ମାଓ ଦମନ କ୍ଷେତ୍ରରେ ସମସ୍ତ ସୁବିଧା ଯୋଗାଇ ଦିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି ବରିଷ୍ଠ ସୁରକ୍ଷା ପରାମର୍ଶଦାତା ।