ଭୁବନେଶ୍ୱର(ବଡ଼ ଖବର ବ୍ୟୁରୋ): ତାଲିବାନର କ୍ରୁରତା ସାରା ବିଶ୍ୱବାସୀଙ୍କ ସାମ୍ନାରେ ଅଛପା ହୋଇ ରହି ନାହିଁ । ବର୍ତ୍ତମାନ ତାଲିବାନ ଆଉ ଏକ ବଡ ପଦକ୍ଷେପ ନେଇଥିବା ସାମ୍ନାକୁ ଆସିଛି । ତାଲିବାନ ନେତା ହିବତୁଲ୍ଲାଙ୍କ ଇସାରାରେ ସମଗ୍ର ଦେଶ ଚାଲିବ ବୋଲି ସୂଚନା ମିଳିଛି । ଏହାର କେନ୍ଦ୍ର କନ୍ଦହାର ହେବାକୁ ଯାଉଛି । ଯାହାକୁ ତାଲିବାନୀମାନଙ୍କ ଗଡ ବୋଲି ମଧ୍ୟ କୁହାଯାଇଥାଏ । ତେବେ ହିବତୁଲ୍ଲା ଅଖୁଂଦଜାତା ଦୀର୍ଘ ସମୟ ଧରି ଏକ ସୁରକ୍ଷିତ ସ୍ଥାନରେ ରହିଆସୁଥିଲେ ।
ଏହା ସହ ସେ ଖୁବଶୀଘ୍ର ଦେଶ ଓ ବିଶ୍ୱ ସାମ୍ନାକୁ ଆସିବେ ବୋଲି କହିଥିଲେ । ଅପରପକ୍ଷେ ୨୦୧୬ରେ ଆମେରିକାର ଡ୍ରୋନ ଷ୍ଟ୍ରାଇକରେ ପୂର୍ବତନ ନେତା ଅଖତର ମାନସୁରଙ୍କ ମୃତ୍ୟୁ ହେବା ପରେ ହିବତୁଲ୍ଲାକୁ ଏହାର ଦାୟିତ୍ୱ ଦିଆଯାଇଥିଲା । ଅନ୍ୟପଟେ ହିବତୁଲ୍ଲାଙ୍କ ବିଷୟରେ ଅଧିକ ସୂଚନା ନଥିବାରୁ ସରକାରଙ୍କ ମୁଖ୍ୟ ହେବା ପରେ ତାଙ୍କର ପରବର୍ତ୍ତୀ ପଦକ୍ଷେପ ବିଷୟରେ କୌଣସି ସୂଚନା ମିଳିପାରୁ ନାହିଁ ।
