ବିଧାନସଭା ନିର୍ବାଚନ ପୂର୍ବରୁ ଏକ ଲକ୍ଷ ଚାକିରୀ ଯୋଗାଇବେ ଯୋଗୀ ସରକାର

ଭୁବନେଶ୍ୱର(ବଡ଼ ଖବର ବ୍ୟୁରୋ): ୨୦୨୨ ଉତ୍ତରପ୍ରଦେଶ ବିଧାନସଭା ନିର୍ବାଚନ ପାଇଁ ବିଭିନ୍ନ ରାଜନୈତିକ ଦଳ ଏବେ ଠାରୁ ତାଙ୍କର ରଣନୀତି ଆରମ୍ଭ କରିସାରିଲେଣି । ଭୋଟରଙ୍କୁ ହାତେଇବା ପାଇଁ ନିଯୁକ୍ତି ସୃଷ୍ଟି କରୁଛନ୍ତି ଯୋଗୀ ସରକାର । ତେବେ ଆଗାମୀ ଦୁଇରୁ ତିନି ମାସ ମଧ୍ୟରେ ଏକ ଲକ୍ଷ ସରକାରୀ ନିଯୁକ୍ତି ପାଇଁ ବିଜ୍ଞାପନ ଦେଇଛନ୍ତି ଯୋଗୀ ସରକାର । ଏଥିରେ ପୁଲିସ ବିଭାଗ ଏବଂ ଶିକ୍ଷା ବିଭାଗରେ ସର୍ବାଧିକ ଚାକିରି ବାହାରକୁ ଆସିପାରେ ବୋଲି ଅନୁମାନ କରାଯାଉଛି ।

ଏହା ସହ ପ୍ରାୟ ୨୫ ହଜାର ପୁଲିସ ବିଭାଗରେ ନିଯୁକ୍ତ କରାଯିବ ବୋଲି ସୂଚନା ମିଳିଛି । ସ୍ୱାସ୍ଥ୍ୟ ବିଭାଗରେ ଚୁକ୍ତିଭିତ୍ତିକ ସ୍ତରରେ ସମସ୍ତ ଜିଲ୍ଲା ଡାକ୍ତରଖାନାରେ ନିଯୁକ୍ତି ପାଇଁ ପ୍ରସ୍ତୁତି ଚାଲିଛି । ଅନ୍ୟପଟେ ଆସନ୍ତା ୨୦୨୨ ବିଧାନସଭା ନିର୍ବାଚନ ପୂର୍ବରୁ ଯୋଗୀ ସରକାରଙ୍କ ଏହା ବଡ଼ ପଦକ୍ଷେପ ବୋଲି କୁହାଯାଉଛି । ରାଜ୍ୟରେ ଥିବା ଲୋକଙ୍କ ନିଯୁକ୍ତିକୁ ସରକାର ଅଧିକ ଫୋକସ କରୁଥିବାର ଦେଖିବାକୁ ମିଳିଛି ।