ସ୍ୱାକ୍ଷରିତ ହେଲା କାର୍ବି ଆଙ୍ଗଲଙ୍ଗ ଚୁକ୍ତିନାମା

ଭୁବନେଶ୍ୱର(ବଡ଼ ଖବର ବ୍ୟୁରୋ): କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଉପସ୍ଥିତରେ କାର୍ବି ଆଙ୍ଗଲଙ୍ଗ ଚୁକ୍ତିନାମା ସ୍ୱାକ୍ଷରିତ ହୋଇଛି । ଏନେଇ ନିଜେ ଗୃହମନ୍ତ୍ରୀ ଅମିତ ଶାହ ଗଣମାଧ୍ୟମ ନିକଟରେ ସ୍ପଷ୍ଟ କରିଛନ୍ତି । ତେବେ ଦଶନ୍ଧି ପୁରୁଣା ସଙ୍କଟର ସମାଧାନ ତଥା ଆସାମର ଆଞ୍ଚଳିକ ଅଖଣ୍ଡତା ସୁନିଶ୍ଚିତ କରିବାକୁ ମୋଦି ସରକାର ପ୍ରତିବନ୍ଧ ବୋଲି ଗୃହମନ୍ତ୍ରୀ କହିଛନ୍ତି ।

ଏହା ସହ ଆସାମ ଏବଂ କାର୍ବି ଅଞ୍ଚଳର ଇତିହାସରେ ଏହି ଦିନ ନିଶ୍ଚିତ ଭାବରେ ସ୍ୱର୍ଣ୍ଣ ଅକ୍ଷରରେ ଲେଖାଯିବ ବୋଲି ଗୃହମନ୍ତ୍ରୀ ଅମିତ ଶାହ କହିଛନ୍ତି । ଅପରପକ୍ଷେ ଆଜି ପ୍ରାୟ ୫ରୁ ଅଧିକ ସଂଗଠନ ପ୍ରାୟ ୧୦୦୦ କ୍ୟାଡର ଅସ୍ତ୍ରଶସ୍ତ୍ର ଲଗାଇ ମୁଖ୍ୟସ୍ରୋତରେ ଯୋଗଦେବା ଆରମ୍ଭ କରିଛନ୍ତି । କେବଳ ଏତିକି ନୁହେଁ ବରଂ କାର୍ବି ଆଙ୍ଗଲଙ୍ଗଙ୍କ ବିକାଶ ପାଇଁ ଆସାମ ସରକାର ପାଞ୍ଚ ବର୍ଷ ମଧ୍ୟରେ ୧୦୦୦ କୋଟି ଟଙ୍କା ଖର୍ଚ୍ଚ କରିବେ ବୋଲି ସୂଚନା ମିଳିଛି ।