ନରେନ୍ଦ୍ର ଡାଭୋଲକରଙ୍କ ହତ୍ୟା ମାମଲାରେ ସମ୍ପୃକ୍ତ ଥିବା ଅଭିଯୁକ୍ତ ବିରୋଧରେ ରୁଜୁ ହେବ ମାମଲା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବହୁ ଚର୍ଚ୍ଚିତ ନରେନ୍ଦ୍ର ଡାଭୋଲକରଙ୍କ ହତ୍ୟା ମାମଲାର ଶୁଣାଣି କଲେ ପୁଣେ କୋର୍ଟ । ପୁଣେ କୋର୍ଟ ୨୦୧୩ ନରେନ୍ଦ୍ର ଡାବୋଲକର ହତ୍ୟା ମାମଲାରେ ଆଇପିସିର ଧାରା ୩୦୨, ୧୨୦(ବି), ୩୪ଏବଂ ୟୁଏପିଏ ଧାରା ୧୬ ଏବଂ ୩(୨୫), ୨୭(୧), ୨୭(୩) ଅନୁଯାୟୀ ଚାରିଜଣ ଅଭିଯୁକ୍ତଙ୍କ ନାମରେ ମାମଲା ଦାଏର କରିବା ପାଇଁ କୋର୍ଟ ନିର୍ଦ୍ଦେଶ ଦେଇଛନ୍ତି ।

ଅପରପକ୍ଷରେ ଅନ୍ଧବିଶ୍ୱାସ ବିରୋଧରେ ପ୍ରଚାର କରିବାରେ ଡକ୍ଟର ନରେନ୍ଦ୍ର ଡ଼ାବୋଲକର ଆଗରେ ଥିଲେ । ୨୦୧୩ ମସିହାରେ ଡକ୍ଟର ନରେନ୍ଦ୍ର ଡ଼ାବୋଲକରଙ୍କ ହତ୍ୟା ମାମଲାରେ ବେଆଇନ କାର୍ଯ୍ୟକଳାପ ଅଧିନିୟମ ଅନୁଯାୟୀ ପାଞ୍ଚ ଅଭିଯୁକ୍ତଙ୍କୁ କୋର୍ଟ ଚାଲାଣ କରିବାକୁ ସିବିଆଇ ସ୍ୱତନ୍ତ୍ର କୋର୍ଟକୁ ଦାବି କରିଥିଲା । ଏହା ସହ ଅଭିଯୁକ୍ତ ଡାଭୋଲକରଙ୍କୁ ହତ୍ୟା କରି ଲୋକଙ୍କ ମଧ୍ୟରେ ଆତଙ୍କ ସୃଷ୍ଟି କରିବାକୁ ଚେଷ୍ଟା କରୁଥିବାର ସୂଚନା ମିଳିଛି ।