ଦିଦିଙ୍କ ବିରୋଧରେ ପ୍ରାର୍ଥୀ ଦେବନି କଂଗ୍ରେସ

କୋଲକାତା(ବଡ଼ ଖବର ବ୍ୟୁରୋ): ପଶ୍ଚିମବଙ୍ଗରେ ହେବାକୁ ଥିବା ଉପ-ନିର୍ବାଚନ ପାଇଁ ପ୍ରତ୍ୟେକ ଦଳ ଏବେ ଜୋରଦାର ପ୍ରସ୍ତୁତି ଚଳାଇଛନ୍ତି । ପଶ୍ଚିମବଙ୍ଗ ବିଧାନସଭା ନିର୍ବାଚନରେ ନନ୍ଦିପୁର ଆସନରୁ ଶୁଭେନ୍ଦୁ ଅଧିକାରୀଙ୍କ ବିପକ୍ଷରେ ଲଢ଼ି ହାରିଥିଲେ ମମତା ବାନାର୍ଜୀ । ଏହାସତ୍ତେ୍ୱ ସେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ । ତେବେ ବର୍ତ୍ତମାନ ହେବାକୁ ଥିବା ଉପ-ନିର୍ବାଚନ ମମତା ବାନାର୍ଜୀଙ୍କ ପାଇଁ ବେଶ୍ ଗୁରୁତ୍ୱପୂର୍ଣ୍ଣ । ଏଥିରେ ହାରିଲେ ମୁଖ୍ୟମନ୍ତ୍ରୀ ପଦ ମଧ୍ୟ ରହିବନି ।

ଏହାକୁ ଦୃଷ୍ଟିରେ ରଖି ଏବେ ଟିଏମସିର କର୍ମକର୍ତ୍ତା ମାନେ ମମତା ଲଢ଼ିବାକୁ ଯାଉଥିବା ଭବାନୀପୁର ଆସନରେ ପ୍ରଚାର ପ୍ରସାର ମଧ୍ୟ ଆରମ୍ଭ କରିଦେଇଛନ୍ତି । ତେବେ ସୂଚନା ମିଳିଛି ଏହି ଆସନରେ କଂଗ୍ରେସ ମମତାଙ୍କ ବିରୋଧରେ କୌଣସି ପ୍ରାର୍ଥୀ ଦେବନି । ଅର୍ଥାତ ଭବାନୀପୁର ଆସନରେ ବିଜେପି ଓ ଟିଏମସି ମଧ୍ୟରେ ଟକ୍କର ହେବ । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ମମତାଙ୍କ ବିରୋଧରେ କିଏ ନିର୍ବାଚନ ଳଢ଼ିବ ତାହାର କୌଣସି ଘୋଷଣା କରିନି ବିଜେପି । ସେପ୍ଟେମ୍ବର ୩୦ରେ ଏଠାରେ ଉପ-ନିର୍ବାଚନ ହେବ ।