ଅଶାନ୍ତ ରାଜଧାନୀ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଅଶାନ୍ତ ରାଜଧାନୀ । ସହରବାସୀ ଆତଙ୍କିତ। କମିଶନରେଟ ପୁଲିସ ଅପରାଧ ରୋକିବାରେ ହୋଇଛି ବିଫଳ। ଶୁକ୍ରବାର ବିଳମ୍ବିତ ରାତିରେ ନୟାପଲ୍ଲୀ ଥାନା ସଲିଆ ସାହିରେ ୪ ଜଣଙ୍କୁ ହୋଇଛି ମରଣାନ୍ତକ ଆକ୍ରମଣ। ଆକ୍ରମଣର ଶିକାର ହୋଇଥିବା ଟିକି, ସନ୍ତୋଷ ଏବଂ ସୁରେଶ ଗୁରୁତର ଅବସ୍ଥାରେ କ୍ୟାପିଟାଲ ହସ୍ପିଟାଲରେ ଭର୍ତି । ସୂଚନା ଅନୁସାରେ ଜୟଦେବ ବିହାରରୁ ବାଇକରେ ୩ ଜଣ ଯୁବକ ରାସ୍ତାରେ ଯାଉଥିବା ପ୍ରତ୍ୟେକ ଲୋକଙ୍କୁ ଅଶ୍ଳୀଳ ଭାଷାରେ ଗାଳି ଗୁଳଜ କରୁଥିଲେ।

ଏହି ସମୟରେ ସାଲିଆ ସାହିର ତିନି ଜଣ ଯୁବକ ସେମାନଙ୍କୁ ପ୍ରତିବାଦ କରିବାରୁ ସେମାନଙ୍କୁ ହଠାତ ତଳେ ପକାଇ ମାଡ଼ ମାରିଥିଲେ। ପରେ ଆଉ ୪ ଜଣ ଯୁବକ କାରରୁ ବାହାରି ସନ୍ତୋଷ ଏବଂ ସୁରେଶଙ୍କୁ ମରଣାନ୍ତକ ଆକ୍ରମଣ କରିଥିଲେ । ଖବର ପାଇ ଚନ୍ଦ୍ରଶେଖରପୁର ଥାନା ଏବଂ ନୟାପଲ୍ଲୀ ଥାନାର ୪ ପିସିଆର ସମେତ ୬ଟି ଗାଡ଼ି ଘଟଣାସ୍ଥଳରେ ପହଞ୍ଚିଥିଲା । ଦୁର୍ବୁତ୍ତ ଛାଡି ଯାଇଥିବା ବାଇକ ଓ ମୋବାଇଲକୁ ଜବତ କରବା ସହ ତଦନ୍ତ ଆରମ୍ଭ କରିଛି ।