ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଗୁଜୁରାଟ ମୁଖ୍ୟମନ୍ତ୍ରୀଙ୍କ ଇସ୍ତଫା ଦେବା ପରେ ସାରା ଦେଶର ନଜର ବର୍ତ୍ତମାନ ଗୁଜରାଟ ରାଜନୀତି ଉପରେ । ଏହା ସହ ଦେଶରେ ଗୋଟିଏ ହିଁ ଚର୍ଚ୍ଚା, ନୂତନ ମୁଖ୍ୟମନ୍ତ୍ରୀ କିଏ ହେବ ? ଇତିମଧ୍ୟରେ ଗୁଜରାଟ ଉପମୁଖ୍ୟମନ୍ତ୍ରୀ ନୀତିନ ପଟେଲ, ରାଜ୍ୟ କୃଷିମନ୍ତ୍ରୀ ଆର.ସି. ଫାଲଡ଼ୁ, କେନ୍ଦ୍ରମନ୍ତ୍ରୀ ପୁରୁଷୋତ୍ତମ ରୂପାଲା ଏବହ ମନସୁଖ ଲାଲ ମାଣ୍ଡବ୍ୟଙ୍କ ନାମ ମୁଖ୍ୟମନ୍ତ୍ରୀ ପଦ ପାଇଁ ଚର୍ଚ୍ଚାରେ ରହିଛି । ହେଲେ ନୀତିନ ପଟେଲଙ୍କ ଚର୍ଚ୍ଚା ଟିକେ ଅଧିକା । ତେବେ ୨୦୧୬ ମସିହାରେ ଆନନ୍ଦୀବେନ ପଟେଲଙ୍କ ଇସ୍ତଫା ପରେ ନୀତିନ ପଟେଲ ମୁଖ୍ୟମନ୍ତ୍ରୀ ହେବା ନେଇ ଚର୍ଚ୍ଚା ଜୋର ଧରିଥିଲା ।
କିନ୍ତୁ ଶେଷ ମୁହୂର୍ତ୍ତରେ ବିଜୟ ରୂପାନୀଙ୍କୁ ମୁଖ୍ୟମନ୍ତ୍ରୀ କରାଯାଇଥିଲା । ଅପରପକ୍ଷରେ ବର୍ତ୍ତମାନ ପରବର୍ତ୍ତୀ ମୁଖ୍ୟମନ୍ତ୍ରୀ ପାଇଁ ନୀତିନ ଯୋଗ୍ୟ ବୋଲି ସୋସିଆଲ ମିଡ଼ିଆରେ ସେୟାର ହେଉଥିବା ଅନେକ ପୋଷ୍ଟମାନଙ୍କରେ ଦେଖାଯାଉଛି । କେବଳ ଏତିକି ନୁହେଁ ବରଂ ନୀତୀନ ଗୁଜରାଟର ପ୍ରଭାବଶାଳୀ ମାଣ୍ଡବ୍ୟ ସମ୍ପ୍ରଦାୟର ଅଟନ୍ତି । ଏବଂ ଏହି ସମ୍ପ୍ରଦାୟର ଦବଦବା ଗୁଜରାଟରେ ଅଧିକ ରହିଥିବାର ଦେଖିବାକୁ ମିଳିଥାଏ । ତେଣୁ ତାଙ୍କ ନାମ ମୁଖ୍ୟମନ୍ତ୍ରୀ ପଦ ଦୌଡ଼ରେ ଆଗରେ ରହିଛି ।
