ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଜିଠୁ ୟୁଏଇରେରେ ଆଇପିଏଲ । ବିଶ୍ୱର ସର୍ବଶ୍ରେଷ୍ଠ ଟି୨୦ ଲିଗ୍ ଇଣ୍ଡିଆନ ପ୍ରିମିୟର ଲିଗ୍ ପୁଣିଥରେ ଆରମ୍ଭ ହେବାକୁ ଯାଉଛି । ରବିବାର ଠାରୁ ଆଇପିଏଲ ସିଜନ-୧୪ର ବଳକା ମ୍ୟାଚ୍ ଖେଳାଯିବ । ରବିବାର ସନ୍ଧ୍ୟା ସାଢ଼େ ୭ରେ ମୁମ୍ବାଇ ଇଣ୍ଡିଆନ୍ସ ଓ ଚେନ୍ନାଇ ସୁପରକିଙ୍ଗସ ମୁକାବିଲା ।
କରୋନା ଦ୍ବିତୀୟ ଲହର ପାଇଁ ଅଧାରୁ ସ୍ଥଗିତ ଥିଲା ଟୁର୍ଣ୍ଣାମେଣ୍ଟ । ଫାଇନାଲକୁ ମିଶାଇ ଆହୁରି ୩୧ ମ୍ୟାଚ ଖେଳାଯିବ । ଦୀର୍ଘ ୪ ମାସ ପରେ ଲିଗ୍ ଆରମ୍ଭ ହେଉଥିବାରୁ ପ୍ରଥମରୁ ଲୟରେ ରହିବାକୁ ଉଭୟ ଦଳ ଆଶା ରଖିଛନ୍ତି। ଷ୍ଟାଡିୟମରେ ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱାଧୀନ ଚେନ୍ନାଇ ସୁପର କିଙ୍ଗସ ଓ ରୋହିତ ଶର୍ମାଙ୍କ ମୁମ୍ବାଇ ଇଣ୍ଡିଆନ୍ସ ପରସ୍ପରକୁ ଭେଟିବେ ।
