ବିକାଶ ଲକ୍ଷ୍ୟରେ ବୈଠକ

କାକଟପୁର (ବଡ଼ ଖବର ବ୍ୟୁରୋ): କାକଟପୁର ସରସ୍ୱତୀ ଶିଶୁ ବିଦ୍ୟାମନ୍ଦିରରେ ନେହରୁ ଯୁବକେନ୍ଦ୍ର ପକ୍ଷରୁ ଯୁବ ସଂଗଠନ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯଇଛି। ଆଗାମୀ ଦିନରେ ଯୁବପିଢ଼ି ସେମାନଙ୍କ ଭବିଷ୍ୟତକୁ କିପରି ଉନ୍ନତ ଓ ବିକାଶିତ କରି ନିଜକୁ ସଫଳ କରିପାରିବେ ବୈଠକରେ ଆଲୋଚନା ହୋଇଥିଲା ।
ଏହି ବୈଠକରେ ମୁଖ୍ୟ ଅତିଥି ଭାବେ କାକଟପୁର ବିଡିଓ ସୁଧୀର କୁମାର ନାୟକ, ମୁଖ୍ୟ ବକ୍ତା ଭାବେ ଲଳିତ କୁମାର ରଥ, ସମ୍ମାନୀତ ଅତିଥିଭାବେ ସମାଜସେବୀ ଦିଲୀପ କୁମାର ବରାଳ ଏବଂ ସରସ୍ୱତୀ ଶିଶୁ ବିଦ୍ୟାମନ୍ଦିରର ସମ୍ପାଦକ ବିଜୟ କୁମାର ବିଶ୍ୱାଳ ଯୋଗଦେଇଥିଲେ।
ମୁଖ୍ୟ ଅତିଥି ସୁଧୀର କୁମାର ନାୟକ ସମାଜସେବାରେ ହିଁ ବାସ୍ତବ ଆତ୍ମସନ୍ତୋଷ ଲାଭ ହୋଇଥାଏ ବୋଲି କହିଥିଲେ । ମୁଖ୍ୟବକ୍ତା ଲଳିତ କୁମାର ରଥ ଯୁବକ ଯୁବତୀମାନଙ୍କୁ ସଂଗଠିତ ହେବାର ମାର୍ଗ ଦର୍ଶାଇଥିଲେ । ସମାଜସେବୀ ଦିଲୀପ କୁମାର ବରାଳ ଓ ଶିଶୁ ମନ୍ଦିର ସମ୍ପାଦକ ବିଜୟ କୁମାର ବିଶ୍ୱାଳ ଯୁବକମାନଙ୍କୁ ଆତ୍ମନିର୍ଭର ହେବା ନିମନ୍ତେ ଆହ୍ୱାନ କରିଥିଲେ । ଏହି କାର୍ଯ୍ୟକ୍ରମରେ କାକଟପୁର ବ୍ଲକର ସମସ୍ତ ପଞ୍ଚାୟତରୁ ବହୁ ସଂଖ୍ୟାରେ ଯୁବକମାନେ ଯୋଗଦେଇଥିଲେ। କାର୍ଯ୍ୟକ୍ରମକୁ ବିଶ୍ୱଜିତ ମିଶ୍ର ଓ ଅଭିଜିତ ବେହେରା ସମ୍ପାଦିତ କରିଥିଲେ ।