ଏମ୍ସରେ ଇକମୋ ଚିକିତ୍ସା: ୨୨ ମାସର ଶିଶୁ ସୁସ୍ଥ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଭୁବନେଶ୍ୱର ଏମ୍ସରେ ସୁସ୍ଥ ହେଲେ ଇକମୋ ସେବା ନେଉଥିବା ଶିଶୁ । ପ୍ରଥମ ଥର ପାଇଁ ଜଣେ ଶିଶୁ ଏହି ସେବା ନେବା ପରେ ସୁସ୍ଥ ହୋଇଛନ୍ତି । ଚିକିତ୍ସିତ ହେବା ପରେ ସେ ଆଜି ଡିସଚାର୍ଜ ହୋଇଛନ୍ତି । ପେଡିଆଟ୍ରିକ୍ସ ବିଭାଗ ଏହି ସଫଳତା ହାସଲ କରିଛି। ଢେଙ୍କାନାଳର ଜଣେ ୨୨ ମାସର ଶିଶୁ କୋଭିଡ୍ ସଂକ୍ରମିତ ହୋଇଥିଲେ । ୨୦୨୧ ଜୁଲାଇରେ ସେ ପୁଣି ଅସୁସ୍ଥ ଅନୁଭବ କରିଥିଲେ। ତାଙ୍କ ଅଧିକ ଚିକିତ୍ସା ପାଇଁ ଏମ୍ସରେ ଭର୍ତ୍ତି କରାଯାଇଥିଲା ।

ପରେ ଜଣାପଡ଼ିଥିଲା ସେ ବିରଳ ରୋଗରେ ପିଡୀତ ଅଛନ୍ତି । ଏହି ରୋଗରେ କ୍ଷୀର ଜାତୀୟ ପଦାର୍ଥ ଯକୃତରେ ଜମାଟ ବାନ୍ଧିଥାଏ । ଏନେଇ କେ ସ୍ୱତନ୍ତ୍ର ଟିମ୍ ପ୍ରସ୍ତୁତ କରାଯାଇ ଶିଶୁଟିକୁ ଇକମୋ ଚିକିତ୍ସା ପ୍ରଦାନ କରାଯାଇଥିଲା । ୩୦ ଅଗଷ୍ଟରେ ସମସ୍ତ ପ୍ରକ୍ରିୟା ଶେଷ ହୋଇଥିଲା । ଇକମୋ ଚିକିତ୍ସା ପରେ ଶିଶୁଟି ସମ୍ପୂର୍ଣ୍ଣ ସୁସ୍ଥ ହୋଇଛି । ଶେଷରେ ସେ ଏମ୍ସରୁ ଘରକୁ ଫେରିଛନ୍ତି ।