ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କୋଭିସିଲ୍ଡ ଟିକାକୁ ବ୍ରିଟେନର ସ୍ବୀକୃତି । ୨ଟି ଡୋଜ୍ କୋଭିସିଲ୍ଡ ଟିକା ନେଇଥିବା ଭାରତୀୟ ବ୍ରିଟେନରେ ପହଞ୍ଚିବାପରେ କ୍ବାରାଣ୍ଟିନ୍ରେ ରହିବେ। ବ୍ରିଟେନ୍ ସରକାରଙ୍କ ପକ୍ଷରୁ ଜାରି ହୋଇଥିବା ନୂଆ ନିର୍ଦ୍ଦେଶାବଳି ଅନୁଯାୟୀ ବ୍ରିଟେନ୍ର କୋଭିସିଲ୍ଡ ଟିକାକୁ ନେଇ କୌଣସି ସମସ୍ୟା ନାହିଁ କିନ୍ତୁ ଭାରତ ଦ୍ବାରା ଦିଆଯାଉଥିବା ଟିକା ସାର୍ଟିଫିକେଟ୍କୁ ନେଇ ସମସ୍ୟା ରହିଛି।
ବ୍ରିଟେନ୍ ଭାରତର କୋଭିଡ୍ ଟିକାକରଣ ପ୍ରମାଣୀକରଣ ପ୍ରକ୍ରିୟାକୁ ନେଇ ସନ୍ଦେହ ପ୍ରକଟ କରିଛି। ଏହି କାରଣ ପାଇଁ ସମ୍ପୂର୍ଣ୍ଣ ଟିକା ନେଇଥିବା ଭାରତୀୟ ବି ବ୍ରିଟେନ୍ରେ କ୍ବାରାଣ୍ଟିନରେ ରହିବେ। ବ୍ରିଟେନ୍ ଜାରି କରିଥିବା ନୂଆ ଭ୍ରମଣ ନୀତିରେ କୁହାଯାଇଛି ଯେ, ବିଟେନ୍, ୟୁରୋପ୍, ଆମେରିକା କିମ୍ବା ବିଦେଶରେ ବ୍ରିଟେନ୍ର ଟିକାକରଣ କାର୍ଯ୍ୟକ୍ରମ ଅଧୀନରେ ଯେଉଁମାନେ ଅକ୍ସଫୋର୍ଡ/ଆଷ୍ଟ୍ରାଜେନେକା, ଫାଇଜର ବାୟୋଏନ୍ଟେକ୍, ମଡର୍ଣ୍ଣା କିମ୍ବା ଜନ୍ସନ୍ ଟିକା ନେଇଛନ୍ତି ସେମାନେ ସମ୍ପୂର୍ଣ୍ଣ ଟିକା ନେଇଛନ୍ତି ବୋଲି ଧରାଯିବ।
