ମହାନଦୀ ବ୍ରିଜରୁ ଡେଇଁ ପଡ଼ିଲେ ଲ୍ୟାବ ଆସିଷ୍ଟାଣ୍ଟ
ଭୁବନେଶ୍ୱର(ବଡ଼ ଖବର ବ୍ୟୁରୋ): ମହାଦନୀ ବ୍ରିଜରୁ ଜଣେ ଲ୍ୟାବ ଆସିଷ୍ଟାଣ୍ଟ ତଳକୁ ଡେଇଁ ପଡ଼ିଛନ୍ତି । କଟକ ଶିଖରପୁର ନିକଟ ମହାନଦୀ ବ୍ରିଜରୁ ନଦୀକୁ ଡେଇଁପଡିଥିବାର ସୂଚନା ମିଳିଛି । ତାଙ୍କ ନାମ ଦେବାଶିଷ ଦାସ ହୋଇଥିବାବେଳେ ତାଙ୍କ ଘର ଚାଉଳିଆଗଞ୍ଜ ବୋଲି ଜଣାପଡ଼ିଛି । ଭୁବନେଶ୍ୱରର ଏକ କଲେଜରେ ଲ୍ୟାବ ଆସିଷ୍ଟାଣ୍ଟ ଭାବରେ ସେ କାର୍ଯ୍ୟ କରୁଥିଲେ ।
ଅପରପକ୍ଷେ ଦେବାଶିଷ ଆଜି ଚାଉଳିଆଗଞ୍ଜ ସ୍ଥିତ ଘରୁ ଟାଙ୍ଗୀ ଅଭିମୁଖେ କାରରେ ଯାଉଥିଲେ । ମହାନଦୀ ବ୍ରିଜରେ ସେ ହଠାତ କାରକୁ ଅଟକାଇଥିଲେ । କାର ଅଟକିବା ପରେ ସେ ହଠାତ ନଦୀକୁ ଡେଇଁ ପଡିଥିଲେ । ତେବେ ସୂଚନା ପାଇ ପୁଲିସ ଘଟଣାସ୍ଥରେ ପହଞ୍ଚିଛି । ଏହା ସହିତ ନିଖୋଜ ଲ୍ୟାବ ଆସିଷ୍ଟାଣ୍ଟଙ୍କୁ ଉଦ୍ଧାର କରିବାକୁ ଉଦ୍ୟମ କରାଯାଇଛି । ହେଲେ ବର୍ଷା ଯୋଗୁଁ ଉଦ୍ଧାର କାର୍ଯ୍ୟରେ ବାଧା ଉପୁଜୁଛି ।
