୨୫ କୋଟି ଟଙ୍କାର ସମ୍ପତ୍ତିକୁ ବିକ୍ରି କରିଥିଲେ ମହନ୍ତ !

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ମହନ୍ତ ନରେନ୍ଦ୍ର ଗିରିଙ୍କ ମୃତ୍ୟୁକୁ ନେଇ ସାରା ଦେଶରେ ଚର୍ଚ୍ଚା ଜୋର ଧରିଛି । ଏନେଇ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏ ସମସ୍ତ ଘଟଣାକୁ ସିବିଆଇ ଯାଞ୍ଚ କରୁ ବୋଲି ଦାବି କରିଥିଲେ । ଅନ୍ୟପଟେ କିଛି ଦିନ ପୂର୍ବରୁ ମହନ୍ତ ନରେନ୍ଦ୍ର ଗିରି ୨୫ କୋଟି ଟଙ୍କାର ସମ୍ପତ୍ତି ବିକ୍ରି କରିଥିବାର କଥା ସାମ୍ନାକୁ ଆସିଛି ।

ତେବେ ଏଥିରେ କେତେ ମାତ୍ରାରେ ସତ୍ୟତା ଅଛି ତାହା ମଧ୍ୟ ସ୍ପଷ୍ଟ ହୋଇନାହିଁ ବୋଲି ସାକ୍ଷୀ ମହାରାଜ କହିଛନ୍ତି । ଏହା ସହ କେବଳ ସିବିଆଇ ହିଁ ସମସ୍ତ ଘଟଣାର ଯାଞ୍ଚ କରି ସତ୍ୟକୁ ସାମ୍ନାକୁ ଆଣିବ ବୋଲି ସାକ୍ଷୀ ମହାରାଜ ସ୍ପଷ୍ଟ କରିଛନ୍ତି ।