ମିଳିଲା ବଙ୍ଗୀୟ ପର୍ଯ୍ୟଟକଙ୍କ ମୃତ ଦେହ

ବାଲେଶ୍ୱର(ବଡ଼ ଖବର ବ୍ୟୁରୋ): ବାଲେଶ୍ଵର ଜିଲ୍ଲା ଭୋଗରାଇର ତାଳସାରୀ ବେଳାଭୂମିରେ ଗତ କାଲି ୨ଜଣ ବଙ୍ଗୀୟ ପର୍ଯ୍ୟଟକ ଭାସି ଯାଇ ନିଖୋଜ ଥିଲେ । ସେମାନେ ହେଲେ ପଶ୍ଚିମବଙ୍ଗ ଉତ୍ତର ୨୪ ପ୍ରଗଣା ଜିଲ୍ଲା ବାରାସାତ ଥାନା ଶାରଦାପଲ୍ଲୀ ଗାଁର ଜୟନ୍ତ ଆଚାର୍ଯ୍ୟଙ୍କ ପୁଅ ଅଭ୍ରଦୀପ ଓ ଅନ୍ୟ ଜଣେ ସେହି ଥାନା ଅଧୀନସ୍ଥ ମଧ୍ୟମ ଗ୍ରାମର ଆଶିଷ ସିଂହଙ୍କ ପୁଅ ଦେବର୍ଷି । ପାୱାର ବୋଟରେ ବହୁ ଖୋଜାଖୋଜି କରାଯାଇଥିଲେ ମଧ୍ୟ ସେମାନଙ୍କ ପତ୍ତା ମିଳିନଥିଲା । ତେବେ ଆଜି ସକାଳେ ଅଭ୍ରଦୀପଙ୍କ ମୃତ ଦେହ ଉଦ୍ଧାର ହୋଇଛି । ନିଖୋଜ ଦେବର୍ଷିଙ୍କୁ ଖୋଜାଖୋଜି ଜାରି ରହିଛି ।