ମାଓ କମାଣ୍ଡର ଗିରଫ

ମାଲକାନଗିରି (ବଡ଼ ଖବର ବ୍ୟୁରୋ): ମାଓ କମାଣ୍ଡର ହିଡମା ଗିରଫ। ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ ଦନ୍ତେୱାଡା ପୋଲିସ ଦ୍ବାରା ମିଲିସିଆ କମାଣ୍ଡର ହିଡମା ଗିରଫ ହୋଇଛି। ହିଡମା ନାଁରେ ଏକ ଲକ୍ଷ ଟଙ୍କାର ପୁରସ୍କାର ରାଶି ରହିଥିଲା। ଅନେକ ମାଓ ହିଂସାରେ ହିଡମାର ସଂପୃକ୍ତି ଥିଲା । ଏନେଇ ସୂଚନା ଦେଇଛନ୍ତି ଦାନ୍ତେୱାଡା ଏସପି । ହିଡ଼ମାର ସୁରକ୍ଷାରେ ଥିଲେ ୮ଶହ ନକ୍ସଲ କ୍ୟାଡର ।

ଆନ୍ଧ୍ରପ୍ରଦେଶ, ଛତିଶଗଡ଼ ଓ ତେଲେଙ୍ଗାନାରେ ହିଡମାର ଆଡ୍ଡା ରହିଥିଲା। ସେପଟେ ସୀମାନ୍ତରେ ସିଆରପିଏଫ-ନକ୍ସଲ ମୁହାମୁହିଁ। ଛତିଶଗଡ଼ ବିଜାପୁର ଜିଲ୍ଲା ଧର୍ମାରାମ ସିଆରପିଏଫ କ୍ୟାମ୍ପ ଉପରେ ଗୁଳି ମାଡ କରିଛି ଲାଲବାହିନୀ । ଜବାବରେ ପାଲଟା ଗୁଳିଚାଳନା କରିଥିଲେ ଯବାନ । ପ୍ରାୟ ୩ ଘଣ୍ଟାରୁ ଅଧିକ ସମୟ ଧରି ଗୁଳି ବିନିମୟ ହୋଇଥିଲା । ସିଆରଏଫର ୧୯୬ ବାଟାଲିୟନ କ୍ୟାମ୍ପରେ ରହୁଥିବା ବେଳେ, ହଠାତ ଆକ୍ରମଣ କରିଥିଲା ଲାଲବାହିନୀ । ଏନେଇ ଏଏସପି ପଙ୍କଜ ଶୁକ୍ଳା ସୂଚନା ଦେଇଛନ୍ତି ।