ଭଞ୍ଜନଗର(ବଡ଼ ଖବର ବ୍ୟୁରୋ): ପୁଅ ଝଗଡାର ସମାଧାନ ପାଇଁ ଯାଇ ପ୍ରାଣ ହରାଇଲେ ବାପା । ଏଭଳି ଘଟଣା ଘଟଣା ଘଟିଛି ଗଞ୍ଜାମ ଜିଲ୍ଲା ଭଞ୍ଜନଗର ବଡ଼କୋଦଣ୍ଡା ଗାଁରେ । ତେବେ ମୃତ ବ୍ୟକ୍ତି ଜଣକ ହେଲେ ହାଡୁ ନାୟକ । ସୂଚନା ଅନୁଯାୟୀ ହାଡୁ ନାୟକଙ୍କ ପୁଅ ଶିବ ଗତକାଲି ରାତିରେ କିଛି ଲୋକଙ୍କ ସହ କୌଣସି କାରଣକୁ ନେଇ ଝଗଡା କରିଥିଲେ । ଝଗଡାର ସମାଧାନ ପାଇଁ ହାଡୁ ସେଠାରେ ପହଞ୍ଚି ଥିଲେ । ହେଲେ ପୁଅ ଶିବ ଉତକ୍ଷିପ୍ତ ହୋଇ ତାଙ୍କ ବାପାଙ୍କୁ ଧକ୍କା ମାରି ଦେଇଥିଲା । ଯାହାଫଳରେ ହାଡୁ ତଳେ ପଡି ଗୁରୁତର ହୋଇଥିଲେ ।
ପରେ ହାଡୁଙ୍କୁ ଭଞ୍ଜନଗର ଡାକ୍ତରଖାନା ଆଣଯାଇଥିଲା । ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲା । ଏ ନେଇ ପୋଲିସ ଶିବକୁ ଅଧିକ ପଚରାଉଚରା ପାଇଁ ଅଟକ ରଖିଛି ।
