ବଢୁଛି ରାଜନୀତି

ଉତ୍ତରପ୍ରଦେଶ(ବଡ଼ ଖବର ବ୍ୟୁରୋ): ସାରା ଦେଶର ନଜର ବର୍ତ୍ତମାନ ଉତ୍ତରପ୍ରଦେଶ ଉପରେ ରହିଛି । ଆନ୍ଦୋଳନରତ ଚାଷୀଙ୍କ ଉପରେ ବିଜେପି ନେତା ତଥା କେନ୍ଦ୍ର ଗୃହମନ୍ତ୍ରୀ ଅଜୟ ମିଶ୍ରଙ୍କ ଗାଡ଼ି ଚଢିବା ପରେ ମାମଲା ବଡ଼ ରୂପ ନେବାରେ ଲାଗିଛି । ସେପଟେ ଏହାକୁ ବିରୋଧ କରି କେନ୍ଦ୍ର ସରକାରଙ୍କୁ ଟାର୍ଗେଟ କରିଛି ବିରୋଧୀ ଦଳ । କିଏ ଅଜୟ ମିଶ୍ରଙ୍କ ଇସ୍ତଫା ଦାବି କରୁଥିବାବେଳେ ଆଉ କିଏ ଚାଷୀଙ୍କ ସ୍ୱରକୁ ଦବାଇବା ପାଇଁ ଏହା ଏକ ଷଡ଼ଯନ୍ତ୍ର ବୋଲି କହିଛନ୍ତି ।

ଏନେଇ ଦୁଇ ଜଣଙ୍କ ବିରୋଧରେ ମାମଲା ରୁଜୁ ହୋଇଥିବାର ସୂଚନା ମିଳିଛି । ଏହି ଦୁର୍ଘଟଣାରେ ଏପର୍ଯ୍ୟନ୍ତ ୯ ଜଣ ଚାଷୀଙ୍କର ମୃତ୍ୟୁ ହୋଇଥିବାର ଖବର ସାମ୍ନାକୁ ଆସିଛି । ତେବେ କେନ୍ଦ୍ର ଗୃହ ରାଜ୍ୟ ମନ୍ତ୍ରୀ ଅଜୟ ମିଶ୍ରଙ୍କ ବନବୀର ଗାଁରେ ଅନେକ ପ୍ରକଳ୍ପର ଶିଳାନ୍ୟାସ କରିବାର କାର୍ଯ୍ୟକ୍ରମ ଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଉପ ମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଯୋଗ ଦେଇଥିଲେ । ତେବେ କେଶବ ପ୍ରସାଦ ମୌର୍ଯ୍ୟଙ୍କ ହେଲିକପ୍ଟର ଯେଉଁ ହେଲିପ୍ୟାଡ଼ରେ ଅବତରଣ କରିବାର ଥିଲା ।

ସେଠାରେ ସକାଳୁ ହିଁ କୃଷକ କଳା ପତାକା ଧରି ଧାରଣା ଦେବା ଆରମ୍ଭ କରି ଦେଇଥିଲେ । ବହୁତ ମନାଇବା ପରେ ମଧ୍ୟ କୃଷକ ହଟି ନଥିଲେ । ଏହି ସମୟରେ କେନ୍ଦ୍ର ଗୃହ ରାଜ୍ୟ ମନ୍ତ୍ରୀ ଅଜୟ ମିଶ୍ରଙ୍କ ପୁଅଙ୍କ କାର କୃଷକଙ୍କୁ ଦଳି ଦେଇଥିଲା । ଏପରି ଏକ ଛାତିଥରା ଘଟଣା ସାମ୍ନାକୁ ଆସିବା ପରେ ସାରା ଦେଶ ସ୍ତବ୍ଧ ହୋଇଯାଇଛି ।

ଅନ୍ୟପଟେ ମୃତ୍ୟୁବରଣ କରିଥିବା କୃଷକମାନଙ୍କ ପରିବାରବର୍ଗଙ୍କୁ ଭେଟିବା ପାଇଁ ପ୍ରିୟଙ୍କା ଗାନ୍ଧି ବାହାରିଥିଲେ । ହେଲେ ତାଙ୍କୁ ଉତ୍ତରପ୍ରଦେଶ ପୁଲିସ ଅଟକାଇ ଦେଇଥିଲା । ଏପରିକି ଲକ୍ଷେ୍ନø ବିମାନବନ୍ଦରରୁ କଂଗେସ ନେତାମାନଙ୍କୁ ଫେରାଇ ଦିଆଯାଇଛି । ଏହା ପରେ ଏ ଘଟଣାକୁ ବିରୋଧୀ ଦଳ ତୀବ୍ର ନିନ୍ଦା କରିଛନ୍ତି ।