ନକଲି ଡାକ୍ତରଙ୍କ ଉତ୍ପାତ

ଭୁବନେଶ୍ୱର (ବଡ଼ ଖବର ବ୍ୟୁରୋ): ପୁଣି ନକଲି ଡାକ୍ତରଙ୍କ ଉତ୍ପାତ। ଲୋକଙ୍କୁ ଭୁଆଁ ବୁଲେଇ ଠକୁଥିବା ଜଣେ ନକଲି ଡାକ୍ତରକୁ ଅଟକ ରଖିଛି ମେଣ୍ଢାସାଲ ଫାଣ୍ଡି ପୋଲିସ। ଖୋର୍ଦ୍ଧା ସମେତ ପିତାପଲ୍ଲୀ ଓ ଗଙ୍ଗାପଡା ଅଂଚଳରେ ଗତ କିଛି ମାସ ହେଲା ଡାକ୍ତର କହି ଲୋକଙ୍କୁ ଚିକିତ୍ସା କରି ଠକୁ ଥିଲେ। ଏ ନେଇ ଲୋକଙ୍କ ମଧ୍ୟରେ ସନ୍ଦେହ ହେବାରୁ ସେ ନକଲି ଡାକ୍ତର ବୋଲି ଜାଣିବାକୁ ପାଇବଲେ ।

ପରେ ଲୋକେ ଏ ନେଇ ମେଣ୍ଢାସାଲ ଫାଣ୍ଡିରେ ଲିଖିତ ଅଭିଯୋଗ କରିଛନ୍ତି। ଏହି ଘଟଣାରେ ଚନ୍ଦକା ଥାନା ପୋଲିସ ଅଟକ ରଖି ପଚରା ଉଚାର ସହ ନକଲି ଡାକ୍ତରଙ୍କ ସାର୍ଟିଫିକେଟ ଯାଞ୍ଚ କରୁଥିବା ଚନ୍ଦକା ଥାନା ଅଧିକାରୀ ଦେବେନ୍ଦ୍ର ବିଶ୍ୱାଳ ସୂଚନା ଦେଇଛନ୍ତି। ଗତକାଲି ଗଙ୍ଗାପଡା ଅଂଚଳର ଜଣେ କ୍ୟାନ୍ସର ରୋଗୀଙ୍କୁ ଚିକିତ୍ସା କରୁଥିବା ବେଳେ ନକଲି ଡାକ୍ତର ଧରାପଡିଥିଲେ। ଏ ନେଇ ମେଣ୍ଢାସାଲ ଫାଣ୍ଡିରେ ପରିବାର ଲୋକେ ଅଭିଯୋଗ କରିଛନ୍ତି।