ପୁରୀ(ବଡ଼ ଖବର ବ୍ୟୁରୋ): ସେବାୟତ ପିନ୍ଧିବେ ଡ୍ରେସ କୋଡ୍ । ଶ୍ରୀମନ୍ଦିରରେ ଲାଗୁ ହେବ ନୂଆ ଡ୍ରେସ କୋଡ ବ୍ୟବସ୍ଥା । ଗର୍ଭଗୃହ ଭିତରକୁ ଯାଉଥିବା ସେମାୟତଙ୍କ ପାଇଁ ଡ୍ରେସକୋଡ ବ୍ୟବସ୍ଥା ଲାଗୁ କରାଯିବ । ସେବାୟତଙ୍କ ପାଇଁ ଧୋତି ମୁକୁଟ କିମ୍ବା ଢିଲା ପାଇଜାମା ଡ୍ରେସ କୋଡ ଲାଗୁ ହେବ । ସୋମବାର ବସିଥିବା ଛତିଶା ନିଯୋଗ ବୈଠକରେ ଏହି ନିଷ୍ପତ୍ତି ହୋଇଛି ।
ସେହିପରି ଅସନ୍ତା ୧୮ ତାରିଖରେ ଗୁରୁକୂଳ ଆଶ୍ରମର ଭୂମିପୂଜନ ହେବ । ଏଥିରେ ଯୋଗଦାନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହାସହ ୧୯୦ କୋଟି ଟଙ୍କାର ବଜେଟ୍ ସମ୍ପର୍କରେ ମଧ୍ୟ ଅର୍ଥ ସବ୍ କମିଟିରେ ଆଲୋଚନା ହୋଇଛି । ଆସନ୍ତା ୧୬ ତାରିଖରୁ ନଭେମ୍ବର ୧୯ ଯାଏ ଶ୍ରୀଜିଉଙ୍କ କାର୍ତ୍ତିକ ମାସ ପାଇଁ ନୀତିନିର୍ଘଣ୍ଟ କରାଯାଇଛି । ସକାଳ ୬ଟା ୩୦ରୁ ୭ଟା ୩୦ ଯାଏଁ ଶ୍ରୀଜିଉଙ୍କ ରାଧା-ମାଧବ ବେଶ ହେବ । ପ୍ରତିଦିନ ଗୋପାଳ ବଲ୍ଲଭ ଭୋଗରେ ଲାଗି ହେବ ବାଳଭୋଗ । ସକାଳ ଧୂପ, ମଧ୍ୟାହ୍ନ ଧୂପ ଓ ସନ୍ଧ୍ୟା ଧୂପରେ କେବଳ କାଠଭୋଗ ଲାଗି ହେବ । ନଭେମ୍ବର ୭ ତାରିଖରେ ଅବକାଶ ପରେ ହେବ ହରିହର ବେଶ । ଶ୍ରୀମନ୍ଦିର ନଭେମ୍ବର ୪, ୧୬ ଓ ୧୯ ତାରିଖରେ ବନ୍ଦ ରହିବ ସାଧାରଣ ଦର୍ଶନ ।
ଅନ୍ୟପଟେ ନଭେମ୍ବର ୧୮ରୁ ଆରମ୍ଭ ହେବ ହେରିଟେଜ୍ କରିଡର କାମ । ଏନେଇ ଛତିଶା ନିଯୋଗ ବୈଠକରେ ନିଷ୍ପତ୍ତି ହୋଇଛି । ଶ୍ରୀମନ୍ଦିର ମୁଖ୍ୟ ପ୍ରଶାସକ କ୍ରିଷନ କୁମାରଙ୍କ ଅଧ୍ୟକ୍ଷତାରେ ବସିଥିବା ଏହି ବୈଠକରେ ନିଷ୍ପତ୍ତି ହୋଇଛି ।
