କୋରାପୁଟ(ବଡ଼ ଖବର ବ୍ୟୁରୋ): ମୋବାଇଲ ପାଇଁ ଚାଲିଗଲା ଆଉ ଏକ ଜୀବନ । ମୋବାଇଲ ନଦେବାରୁ ଆତ୍ମହତ୍ୟା କରିଛନ୍ତି ଜଣେ ଅଷ୍ଟମ ବର୍ଷର ଛାତ୍ର । କୋରାପୁଟ ସହର ଗୌତମନଗର ଅଂଚଳରେ ଏଭଳି ଅଭାବନୀୟ ଘଟଣା ଘଟିଛି । ତେବେ ସୂଚନା ଅନୁସାରେ , ଶ୍ରୀନିବାସ ରାଓଙ୍କ ୧୩ ବର୍ଷୀୟ ପୁଅ ମନୋହର ସେଟିଂ ଜାଭିୟର ସ୍କୁଲରେ ଅଷ୍ଟମ ଶ୍ରେଣୀରେ ପାଠ ପଢନ୍ତି ।
କରୋନା ଯୋଗୁ ବିଦ୍ୟାଳୟ ବନ୍ଦ ଥିବାରୁ , ସେ ଅନଲାଇନରେ କ୍ଲାସ କରନ୍ତି । ଏ ନେଇ ସେ ଅଧିକ ସମୟ ଫୋନରେ ହିଁ ସମୟ ବିତାନ୍ତି । ମୋବାଇଲ ନିଶା ଦିନକୁ ଦିନ ତାଙ୍କର ବଢିଯାଇଥିଲା । ତେବେ ମଙ୍ଗଳବାର ତାଙ୍କ ହାତରୁ ମୋବାଇଲ ଛଡାଇ ନେବାରୁ ମନୋହର ରାଗିଯାଇଥିଲେ । ପରେ ଗୋଟିଏ ରୁମରେ ପଶି ଭିତର ପଟୁ କବାଟ ଦେଇଥିଲେ । ଆଉ ନିଜ ବେକରେ ଶାଢି ବାନ୍ଧି ଏକ ଫ୍ୟାନରେ ଝୁଲି ପଡିଥିଲେ । ପରିବାର କବାଟ ଭାଙ୍ଗି ତାଙ୍କୁ ଉଦ୍ଧାର କରି ଗୁରୁତ୍ୱର ଅବସ୍ଥାରେ ମେଡିକାଲ ନେଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲା ।
