ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୟୂରଭଞ୍ଜରେ ପହଞ୍ଚି ବିଜୁ କୃଷକ କଲ୍ୟାଣ ସ୍ମାର୍ଟ କାର୍ଡ ବଣ୍ଟନ କରିଛନ୍ତି । ବିଜୁ ସ୍ୱାସ୍ଥ୍ୟ କାର୍ଡ ବାଣ୍ଟିବା ସହ ବିଭିନ୍ନ ପ୍ରକଳ୍ପର ଶୁଭାରମ୍ଭ ଓ ଉଦଘାଟନ ମଧ୍ୟ କରିଛନ୍ତି ମୁଖ୍ୟମନ୍ତ୍ରୀ। ଏହି କାର୍ଯ୍ୟକ୍ରମରେ ବିଜେଡିର ବହୁ ହେଭିଓ୍ବେଟ ଉପସ୍ଥିତ ଅଛନ୍ତି। ହେଲେ ଶିକ୍ଷୟତ୍ରୀ ମମିତା ମେହେର ମୃତ୍ୟୁ ଘଟଣାର ମୁଖ୍ୟ ଅଭିଯୁକ୍ତ ଗୋବିନ୍ଦ ସହ ସମ୍ପର୍କରେ ଥିବା ଶକ୍ତିମନ୍ତ୍ରୀ କ୍ୟାପଟେନ ଦିବ୍ୟଶଙ୍କରଙ୍କୁ ମଞ୍ଚକୁ ମନା କରିଛନ୍ତି ନବୀନ।
ମମିତା ପ୍ରସଙ୍ଗ ପରେ ବିରୋଧୀଙ୍କ କଡ୍ଡା ସମାଲୋଚନାର ଶୀକାର ହୋଇଛନ୍ତି ସରକାରଙ୍କ। ଯାହାଫଳରେ ମୟୂରଭଞ୍ଜରେ ସ୍ମାର୍ଟ କାର୍ଡ ବଣ୍ଟନ କାର୍ଯ୍ୟକ୍ରମ ତାଲିକାରୁ ବାଦ୍ ଦେବାଭଳି କଠୋର ନିଷ୍ପତ୍ତି ନେଇଛନ୍ତି ବିଜେଡି ସୁପ୍ରିମୋ। ଏହି କାର୍ଯ୍ୟକ୍ରମରେ ବହୁ ନେତା ଯୋଗ ଦେଇଥିବା ବେଳେ ମନ୍ତ୍ରୀ ଦିବ୍ୟଶଙ୍କରଙ୍କୁ ମଞ୍ଚରେ ଦେଖିବାକୁ ମିଳି ନାହିଁ। ପୂର୍ବରୁ ପୁରୀ, ମାଲକାନଗିରି, ସୁନ୍ଦରଗଡ, ବଲାଙ୍ଗୀର, ଗଜପତିଆଦି ଜିଲ୍ଲାର ସ୍ମାର୍ଟ କାର୍ଡ ବଣ୍ଟନ କାର୍ଯ୍ୟକ୍ରମରେ କ୍ୟାପଟେନଙ୍କୁ ମଞ୍ଚରେ ଦେଖିବାକୁ ମିଳିଥିଲା । ମନ୍ତ୍ରୀଙ୍କ ମୟୂରଭଞ୍ଜ ଯିବା ସ୍ଥିର ହୋଇଥିଲା । କିନ୍ତୁ ମମିତଙ୍କା ପ୍ରସଙ୍ଗ ପରେ ବଦଳିଲା ନିଷ୍ପତ୍ତି । ତାଲିକାରୁ ବାଦ ପଡ଼ିଲା ଦିବ୍ୟଶଙ୍କରଙ୍କ ନାଁ । ଭାଜପା ପକ୍ଷରୁ ଦିଆଯାଇଥିଲା ଚେତାବନୀ । ମନ୍ତ୍ରୀ ଯାଇଥିଲେ ଭାଜପା ଛିଞ୍ଚିଥା’ନ୍ତା ଗୋବରପାଣି ।
